Page 16 - MIN VOS 29 FEB 2016

Remo Kock di SABA Tin cu hala empleadonan di tal manera
pa cera un team pa asina baha e presion di trabao pa cada
departamento

Sunday, 28 February 2016 11:40
Comparti

Tin cambio cu ta bay bin den SABA, pero tin cierto obhecionnan di parti di sindicato.

Segun director di SABA, Remo Kock, na e momentonan aki no ta trata ainda di renobacion. Tin
palabracionnan cu gobierno, kico ta e posibilidadnan ta den un futuro hopi cerca, pero banda di esey,
loke ta pasando ta cu durante di e ultimo dos añanan aki, SABA a bin ta haya 37 vacatura cu ainda no a
wordo yena. Den pasado e tabata asina cu ora tin un vacatura, door cu ta haya subsidio di gobierno, tur
cos tin cu bay oficialmente via di e departamento di Recurso Humano. Den pasado, tabata haya hopi
biaha e contesta entre 6 siman y 3 luna, pero a bin resulta toch den ultimo dos añanan, cu e vacaturanan
no a wordo yena. Awo a bin resulta cu pa diferente motibo unda cu ta trahando cu e departamentonan di
gobierno pa resolve esey. Tin cu tene cuenta cu na e momento cu no yena cierto vacaturanan, no por sigui
duna e mesun calidad di servicio na e clientenan. Esey ta causa cu na dado momento, ora cu tin diferente
departamento, unda cu tin cierto luganan clave di cuido pa nos grandinan, na dado momento mester wak
con ta bay yena e buraconan ey, unda cu e servicio pa e grandi ta keda riba e mesun nivel. Ora cu na dado
momento a yega na e conclusion cu no por garantisa e calidad di servicio mas manera cu a bin ta ser
conoci na SABA, a dicidi pa wak si por bin cu un solucion. Un di e cosnan e ora cu a bay wak ta, unda cu
tin un cierto cantidad di hende cu ta haci e cuido, cu por hala nan cera e buraconan cu tin riba tur e
diferente afdelingnan, riba e tres localidadnan di SABA. A bin na e conclusion despues di un analisis hopi
profundo cu e miho cos cu por haci ta, wak pa hala e empleadonan di reseda di tal manera unda cu ta
cera e team na cada un departamento unda cu tabata short, di tal manera cu esey ta bay resulta cu ta bay
tin un team completo, unda cu e werkdruk pa cada un departamento ta baha. Cu otro palabra tin menos
chens cu un hende ta bira langdurig AO, door cu e trabao ta mucho hopi pa e persona. E decision cu a
tuma no ta uno cu ta tuma zomaar out of the blue. Ta algo cu a traha riba dje. A pens’e, a wak kico ta e
miho manera. Tin cu bay traha tambe, papia cu e famia di e grandinan, splica nan kico ta haci, teniendo
naturalmente consideracion unda e empleadonan ta biba, unda e famianan di e cliente ta biba, pasobra
por wak tambe cu por wantanan na Playa, of por bay Savaneta of cu nan por bay eventualmente na San
Nicolas, depende. Tur eseynan tambe a tene na consideracion, pero den mente cu e calidad di bida di e
cliente ta locual ta mas importante pa SABA, Kock a splica.

http://www.24ora.com/local-mainmenu-5/105772-remo-kock-di-saba-tin-cu-hala-empleadonan-di-tal-
manera-pa-cera-un-team-pa-asina-baha-e-presion-di-trabao-pa-cada-departamento