Page 19 - MIN VOS 29 FEB 2016

Servicio di cuido di Wit Gele Kruis ta amplio segun Liesbeth
Arends

Publication: Saturday, 27 February 2016. Categoria: General

ORANJESTAD(AAN): Liesbeth Arends de Kort ta atende cu e cuido na cas. Ta hopi servicio nan ta duna. Tin como 20
persona trahando den e area aki cu WGK. Ta atende cu testnan y cuido di herida etc. Por yama na e kantoor pa
controlnan necesario. Mester paga suma chikito ora bo ta miembro.
Tin diferente instancia unda nan ta duna servicio pa haci e control. Aña pasa a controla como 1600 trahador di
compania. Ta chek largura, peso y yuda traha na bienestar di e trahador. Ta duna conseho con pa cuida e salud.
Sucu y presion etc ta wordo controla di e trahadornan. Di dialuna pa diabierna ta haci e controlnan y baña hende.
WGK no ta baña hende den weekend. Ta dificil pa atende tur hende na Aruba. E poblacion ta grandi y vegrijzing
tambe ta birando mas. E lista largo tey y tin biaha ta core busca solucion con cu ta.
Nan ta duna calidad di servicio segun Liesbeth Arends de Kort. Esnan cu ta riba e lista largo segun Liesbeth Arends di
WGK e lo bira mas largo. Si no wordo yuda cu mas personal e lista lo bira mas largo. Ta tanto hende por baña parti
mainta.
Tur hende merdia kier come y ta dificil pa bañanan e momento ey. Cada pashent por tuma 20 minuut di atencion
pero esun cu ta riba cama por tuma te hasta un ora. Ultimo aña e pashentnan ta bira mas complica y ta sali mas
trempan di hospital y mester di mas cuido na cas. E retraso ta keda riba e lista di servicio.
Ta nenga hende pa duna servicio y esaki ta frustrante. Tin hende cu nan ser keri a cay y mester di cuido pasobra yiu
ta traha. Tin tambe e parti di Alpha Hulp cu ta cuido di hende na cas. E parti Domestico ta e servicio cu nan ta duna.
Ta haci limpieza pa e grandi, cushina y otro servicionan pa e grandinan. Liesbeth Arends a splica cu nan ta
intermedia entre e trahador cu e cliente. Ta pasa un screening di e hendenan cu ta duna servicio di Apha Hulp.
E demanda pa esaki ta hopi tambe. Ta intermedia como WGK hunto cu e famia ora cu ta bay tuma un hende pa
yuda na cas. E personanan mester tin papel di bon conducta. Un servicio asina ta costa nuebe florin pa ora.

http://www.diario.aw/2016/02/servicio-di-cuido-di-wit-gele-kruis-ta-amplio-segun-liesbeth-arends/