Page 58 - ZIKA

Aruba tin 4 caso importa di

Zika

on: February 11, 2016In: LocalNo Comments

Print Email

Dia 10 di Februari a haya e resultadonan di e muestranan cu a bay di Hulanda cu ta mustra cu tin 4 caso
importa di Zika di exterior, caminda cu aki na Aruba accion a ser tuma riba e casonan aki, segun Maribel
Tromp, epidemilogo na Departamento di Salubridad Publico.
Esakinan ta casonan di personanan cu a biaha bay entre otro Brazil, Colombia y Venezuela y a bira malo,
treciendo e virus cu nan y sanger a wordo tuma y manda Hulanda pa confirmacion. Banda di esey tin
mas notificacion. December te cu awor aki tin un total di 64 melding for di cual 30 di esakinan tambe ta
personanan cu a biaha, cu a presenta sintoma, pero esakinan no ta confirma pa laboratorio como Zika.
Pero si e trabaonan a wordo haci na momento di e notificacion door di GKMB. Tur caso sospechoso a
wordo trata como un caso di Zika. Tur e prevencionnan a wordo tuma pa criadero, pa e sangura, pero
banda di esey tambe e personanan a wordo conseha pa nan mes proteha nan mes, na momento cu nan
ta malo y cu nan por transmiti e virus pa e sangura, pa bisti manganan largo, usa repelente of drumi bao
di un net. Esey ta consehonan cu ta keda duna constantemente na e personanan aki.
Diaranson tambe un cantidad di muestra a wordo manda Hulanda. Ta wardando e resultado di esakinan
tambe. Una bes tin casonan importa, mester keda stress riba prevencion. Si no tin e sangura of tiki
sangura, e transmision no lo ta transmisibel. Nos tur hunto tin cu yuda otro pa no tin un transmision
explosivo manera cu a wak durante ultimo lunanan riba e continente Latino Americano y Caribe.
Sintomanan tabata di hopi suave. Tin personanan ni a haya keintura, te na un sintoma clasico, cu nan a
presenta keintura, e wowitis cu a bay ta bisando, plus e rash, cual den tur casonan actual a presenta
cune. No tin ningun diferencia compara cu otro paisnan pa loke ta sintomatologia. Ta tene esaki bij y
manera cu a bisa, manera cu tin casonan confirma, esakinan a wordo notifica diaranson na International
Health Regulation, na e focal point na Hulanda. E cuater casonan aki lo bin riba e lista di WHO, cu Aruba
actualmente tin 4 caso importa di Zika, segun Tromp.
http://masnoticia.com/aruba-tin-4-caso-importa-di-zika/