Page 59 - ZIKA

Minister Alex Schwengle: Problematica di Zika tin atencion di
comunidad y prensa

Tin basta atencion duna pa e tema di Zika pa cual un conferencia di prensa a keda yama pa
Departamento di Salubridad Publico sali splica kico ta ser haci. Minister Alex Schwengle a comenta cu e
problematica di Zika tin atencion di comunidad y prensa.
E ta haya un lastima cu toch ainda tin cierto politiconan cu ta sali afo y bisa cos manera cu no ta.
Sinembargo ta lamentabel pasobra a caba di duna un presentacion amplio di kico Zika ta, kico e maneho
di control di vector ta na Aruba na Parlamento, unda cu esunnan cu no ta presenta pa e discusionnan aki
ta trata di bruha pueblo.
Diahuebs DESPA un splicacion riba kico Zika ta y kico ta e maneho, cual segun e minister, cu tin añas ta
andando y cada aña ta purba di perfecciona e maneho na Despa, pero tambe riba GKMB pa tin un
control di vector na Aruba. Ta papiando en particular e vectornan mas importante cu ta sangura y ta
importante pa control’e. No pavia di Zika so, pero e mesun sangura cu ta transmiti e virus aki, ta
transmiti Dengue y Chikungunya. Ta importante pa realisa esey.
E minister a añadi cu e focus mester keda importante loke ta preveni. Tin protocolnan riba esey y tin
protocolnan cu si acaso cu Zika bin, pa tin tambe. A papi’e cu tur instancianan necesario, no solamente
cu ATA y AHATA, pero tambe a tene tur sorto di discusion y preparacionnan cu e profesionalnan, entre
otro cu e specialistanan. Sigur tambe cu e ginecologonan. E parti di mas importante pa keda bisa pafo y
sigur ta e mensahe ta e prevencion. Y e prevencion por solamente cu ayudo di pueblo. Responsabilidad
gobierno tin, pero pueblo tambe tin su responsabilidad pa yuda su mes y pa yuda su prohimo. Na
momento cu bo persona na bo cas no ta tene bo cura di cas limpi, unda cu tin yen di criadero, ta bezig ta
promove malesa. No pabo mes, pero pa bo prohimo, bo bisiña. Ta algo hopi social y humano pa nos tur
yuda otro, e minister a remarca.
Importante tambe ta cu tin sospecho di posibel casonan di Zika. Te ainda nan no a wordo confirma, pero
awo tin 4 caso cu a bin di exterior. Nan ta casonan importa. No casonan cu a wordo plama na Aruba
mes. A contene te ainda e situacion den sentido cu manera cu a splica, GKMB na momento cu e haya un