Page 12 - MIN SOC MARCH 22,2016

Hubert Dirksz Si no yega na un acuerdo pa loke ta

Aura Casino, mester hala e licencia aden

on: March 21, 2016In: LocalNo Comments
Print Email
E asunto di Aura Casino ta un di e asuntonan pa FTA basta lamentabel cu ta tumando luga na Aruba pa
motibo cu no por ta asina cu un casino ta cera, e doñonan ta gewoon bandona e area di trabao,
mientras cu e NV ta keda existi y cu tin shareholdernan cu ta keda na Aruba y otronan pafo cu ta bin
Aruba y haci manera nada no a pasa y ta keda traha akinan y trahadonan na cas sin ningun salario.
Segun Hubert Dirksz, presidente di FTA, a papia basta dia y basta luna cu mediador di gobierno y tambe
cu e minister envolvi. Ultimo a papia cu Minister Dowers. Ta lamenta tambe cu den un situacion asina
caminda cu nos leynan a permiti cu e operadornan por a haci esey di djis bandona, keda sin paga. Ta di
supone cu ni belasting nan no lo a paga completo tampoco pero en todo caso nan tey rond y awor aki e
hotel cu tin e licencia cu tin un responsabilidad pa percura pa e casino habri, a busca un operador nobo y
supuestamente yega na un final di e negociacion cu e operador. Un operador cu kier habri casino, pero
no kier reconoce cu Aruba tin ley y cu e hendenan aki, na momento cu yega na e principio di continuidad
di trabao, basa riba e ley cu a wordo introduci na 2013 cu ora un doño nobo tuma un compania, e ta
tum’e cu Lusten en Lasten. Si nos basa nos mes riba e ley eynan, e no ta negoshabel y e interesado pa
opera e casino aki awo, kier negosha esey. E ora ey bo tin un gerencia di Barcelo of e doñonan di Barcelo
cu a corta e casino mas cu 75%. E luga chikito cu a keda pa opera ta dificil pa opera un casino. Sigur no
manera cu e tabata, cu tin 44 trahado eynan, pendiente. Pa Dirksz, cu poco palabra, ta un caos y ta kere
cu si pa e siman aki, despues cu manda e final offer, e ultimo proposicion pa e compania cu ta interesa,
si no por yega na un acuerdo, ta kere cu gobierno mester hala e licencia aden y sigur ningun casino lo tin
derech pa habi den e proximo 5 añanan. Mester tuma medidanan drastico pasobra tanto bal cu tin ley
pa proteha e trahado y tur e leynan aki ta gewoon wordo benta den bari di sushi. Di e forma di traha aki
ta increibel. FTA ta kere cu mester bin man duro y ta spera cu pa e siman aki ta keda cla cu henter e
proceso aki, Dirksz a splica.
http://masnoticia.com/hubert-dirksz-si-no-yega-na-un-acuerdo-pa-loke-ta-aura-casino-mester-hala-e-
licencia-aden/