Page 9 - MIN SOC MARCH 22,2016

Minister ta den contacto constante cu mediador

Publication: Monday, 21 March 2016. Categoria: General
Pa acelera e proceso pa salba trabou di trahadornan di Aura Casino

ORANJESTAD (AAN): Ta hopi importante pa haya hotel, e sindicato na mesa y e propio
personanan cu a duna di conoce cu nan ta cla pa tuma e operacion di e casino.
Segun Pontilius, di parti di gobierno, tur momento ta hayando yamada pa acelera e proceso,
pero den un tipo di situacion manera esaki, no ta un situacion cu ta habri un bleki di salchicha y
come. Pasobra tin e parti legal den dje. Mas cu tur cos ainda, no tin un caminda legal.

Pais Aruba no tin un caminda legal cu por obliga e dunado di trabao cu tin cu drenta, kico e
mester haci. Logico e ta mara na ley, pero tanten cu e dunado di trabao ey no firma un
acuerdo, no tin un caminda legal cu por oblig’e.
Un biaha mas ta bin e punto na mesa y den cual a scucha publicamente con bin gobierno no ta
kita e licencia di e hotel pa motibo cu e licencia ey ta dune derecho di opera un casino. Pero si
kita e licencia mes, no a regla e problema di e trahadonan. Si mañan gobierno dicidi di kita e
licencia di e hotel, no ta nifica cu ta habri e casino pa su mainta.

Tin e licencia kita, pero no a haci nada y mas importante ta pa percura cu e trahadonan ta
haya salario y percura cu nan tin nan garantia di continuidad di trabao. No cuminsa di nobo,
sino cu nan ta continua cu nan añanan di servicio y nan condicionnan di trabao.
Na momento cu e situacion aki surgi, sea den cualkier empresa, tin un problema grandi, pa
motibo cu no mester lubida cu tin un operador di casino, dunado di trabao cu a wordo saca
mediante un sentencia di hues for di den e casino, pa motibo cu nan no tabata cumpli cu nan
obligacionnan. Nan no tabata paga huur, ni belasting, ni e trahadonan. Ta un situacion hopi
serio, den cual no tin e solucion mesora pe.

Awor aki e hotel a busca un operador nobo, cu lo bira e dunado di trabao. Nan a selecta un y
e un grupo aki ta berdad cu hotel a bisa cu nan a pone un deadline. Esey ta e punto cu tin
tambe riba mesa, cu a bisa cu tabata tin un deadline pa dia 1 di Maart.
Awo tin cu puntra con bin cu ainda no tin un acuerdo. E negociacionnan a bay ta tumando luga
cu e abogadonan, cu FTA na mesa, cu un intercambio di corespondencia electronico, cu e grupo
na Merca, pero awor aki a bisa cu mirando nan oferta cu a drenta diamars, ta hopi importante
pa pone nan na mesa.