Page 7 - MIN SOC MARCH 22,2016

Refineria na Aruba lo cuminsa tuma hende na April pa
repara planta

Monday, 21 March 2016 22:39
Comparti

Segun Reuters, e refineria na Aruba tin planea pa cuminsa tuma hende na April pa repara y mehora e planta
di 235 mil bar pa dia, mientras cu e supuesto operador nobo, Citgo Petrolium, ta continua cu dialogonan cu
gobierno di Aruba pa firma un contracto pa lease e facilidad aki, fuentenan cerca di e deal a conta Reuters.

Dialogonan entre Citgo, unidad di refinamento di PDVSA y gobierno di Aruba a cuminsa aña pasa pa un
acuerdo riba un lease di 25 aña. Un MoU a wordo firma na September a Houston, caminda cu Citgo tin su
base, pa explora upgrading y restarting di e facilidad. Papiamento entre partidonan a progresa, un di e
fuentenan a isa, pero ainda nan ta leu di pone un fecha pa cuminsa cu startmento di e refineria, cu por tarda
por lo menos dos aña prome cu produccion resumi pa prome biaha desde 2012. Prome minister Mike Eman a
conta periodistanan siman pasa cu dialogonan ta continua, pero a nenga di elabora, mirando cu detayenan no
por wordo provee mey mey di negociacionnan. Un team di tecnico di Citgo ta trahando desde 2015 riba un
plan pa restart y upgrade e planta. Catalisisnan uza na e Unidad di Hidrosulfurisacion di Aruba (HDS) a
wordo remove algun siman pasa, di acuerdo cu un fuente di e refineria. E operador anterior, Valero Energy a
stop na Aruba na 2012, manteniendo solamente e operacion di e terminal di abastecimento y na 2014, e ta
clasifica como “bandona”. E compania Mericano a paga $465 miyon ora el a cumpra e refineria na 2004.

http://www.24ora.com/local-mainmenu-5/106706-refineria-na-aruba-lo-cuminsa-tuma-hende-na-april-
pa-repara-planta