Page 31 - MIN SOC MARCH 22,2016

AWEMainta Diamars, 22 Maart 2016 17

Mervin Wyatt-Ras, en conexion cu
celebracion di 30 aña di Status Aparte:

Den union tin cu
conserva y sigui
desaroya loke
nos grandinan a
logra pa nos

MERVIN Wyatt-Ras ta trece padilanti cu nos pais a

celebra den grandi nos 30 aña di Status Aparte y nos 40
aña di Himno y Bandera.
Wyatt-Ras ta menciona con e ceremonia oficial dilanti
Bestuurskantoor ta masha bon bishita y cu por mira
52 organisacion riba pia pa forma un parada pa duna
demostracion dilanti Gobernador, miembronan cu ta
forma gobernacion, Parlamentarionan y tambe pa tur
invitado y publico cu ta bin presencia e bunita parada aki.

Banda di diferente discursonan di e. o. Minister di Cultura,
sr. Otmar Oduber y Minister Presidente, sr. Mike Eman,
sr. Brinkhorst tambe a hiba palabra.
Wyatt-Ras ta di opinion cu nos pais ta un ehempel pa otro
paisnan di a uni un pueblo pa un causa comun, esta nos
libertad. Nos libertad pa regla nos propio asuntonan.
Nos tin nos propio Parlamento, nos propio Himno, nos
Bandera, nos propio moneda, nos Banco Central y nos
sistema Hudicial.
Nos pueblo ta hopi orguyoso di nos cultura y tradicionnan
y tambe e hecho cu nos tin nos Status Aparte desde 1986.

Wyatt-Ras ta trece padilanti cu ta un reto pa nos sigui
mantene tur nos logronan manera nos status autonomo,
en bista di retonan mundial pa mas control financiero-
economico y di integridad.
Sr. Brinkhorst tambe a trece esaki padilanti cu dor di
cierto politiconan Hulandes cada bes nos ta ser treci
den luz negativo. P’esey mes nos gobernantenan y nos
como Parlamento mester keda vigila e desaroyo aki di
cerca pa por garantisa nos pueblo siguridad, un situacion
financiero-economico stabile, y desaroyo sostenibel y
duradero, tambe social y cultural.

E miho regalo, segun Wyatt-Ras, cu Dios a duna nos pais
ta nos hendenan y rib’e dia di celebracion di nos 30 aña di
Status Aparte y 40 aña di nos Himno y Bandera por a nota
e amor patrio di nos ciudadanonan di chikito te grandi.

Wyatt-Ras ta felicita tur esnan cu a organisa e diferente
actividadnan tanto protocolario y riba Plaza Libertador,
Plaza 18 di maart, y den barionan.
Den union, igual cu nos grandinan cu a logra tur locual
nos tin awo, nos lo sigui construi y mantene nos dushi
baranca Aruba.