Page 27 - MIN VOS JULY 13

B4

DEPORTEDialuna 13 Juli 2015

Weganan Pan Americano Toronto 2015

Kyra Hoevertsz y Anouk Eman terminando na di shete luga overall

TORONTO- Diasabra
merdia e dueto di Aruba,
Kyra Hoevertsz y Anouk
Eman a landa e rutina
liber den e competencia
di duet. Mester bisa cu e
dueto Arubano a duna un
prestacion sublime riba
diasabra unda e publico
a lanta y bati man, apoy-
ando nos dos atletanan di
synchro.
E dueto den orden di pre-
sentacion tabata number seis.
Nan a sa di haya e atencion di
e huesnan cu nan presenta-
cion, y a haya un score halto.
E huesnan a honra e dueto di
Aruba cu un total di 76.4333
punto.
E puntonan di e rutina tecni-
co a wordo agrega na e score
di e rutina liber unda a saca e
totalidad pa escore final.
Den un entrevista realisa cu
Anouk Eman e la conta nos
cu nan ta satisfecho cu e
prestacion di e rutina liber,
nan a sinti cu e presentacion
tabata conforme nan deseo,
tur cos tabata manera cu a
planea. Na final ora cu nan
a mira nan score, nan a keda
masha contento cu e score
den su totalidad.
E competencianan di landa-
mento sincronisa a yega final
pa Kyra y Anouk pa loke ta e
competencia di dueto. Nan a
keda overall na di 7 luga den
12 participante. E dueto di
Aruba a pasa Venezuela riba
e tabla di posicion final y ta
keda net tras di Argentina. E
competencia di landamento
sincronisa a ser gana pa e
dueto di Canada kendenan
a bay cu e medaya di Oro,
sigui pa Mexico cu e medaya
di plata y USA cu e medaya
di brons. Awo Kyra y Anouk
lo concentra riba e campe-
onato mundial di landamen-
to sincronisa di FINA cu lo
tuma luga aki tres siman na
e ciudad di Kazan, Rusia.q