Page 47 - MIN VOS JULY 13

Pagina 32 Dialuna 13 Juli 2015

Solo di Pueblo... Local.....

Clifford Rasmijn di Brazil Taekwondo Stichting a pone

e crema ariba e training di diasabra na Tarsicius

Kleuterschool.

Nos por ta sigur di un cos,
nos atletanan kendenan
a demonstra di ta e
mihornan di Aruba den
nan categoria ta cla pa
Korea. E team di Brazil
Taekwondo Stichting di
Train Hard Fight Smart
a train ariba tactica so
diasabra atardi for di 2'or
pa 4'or. Clifford Rasmijn a
traha masha duro e ultimo
tempo y e training su nivel
a wordo subi cada biaha.
Awor ta falta 3 dia mas
pa asina e grupo di 8 subi
avion rumbo pa Korea,
tera di Taekwondo. Pa
hopi atleta esaki ta nan
soño y pa e team di Brazil
Taekwondo Stichting esaki
a bira un realidad.

Brazil Taekwondo Stichting
su team di Train Hard
Fight Smart a demonstra
esaki no solamente un
biaha, pero pa e aña aki
so ta 8 biaha. No ta facil
pa por keda na top sin cu
tin e preparacion ariba un
nivel halto y hopi no ta
yega na e punto aki. Brazil
Taekwondo Stichting ta
train duro, pa asina ta
bon prepara pa cualkier
campeonato. Korea no ta
un plan di dos dia pasa,
ta un aña pasa caba a
cuminsa traha ariba e plan
di Korea aki, nos ta sigur
cu e team cu ta bayendo
ta na e nivel cu nos ta
desea. Clifford Rasmijn
a pone tur loke e la siña
durante e añanan cu e ta
train na Brazil Taekwondo
Stichting. Trainingnan
duna door di ex campoen
mundial Henk Meijer, ass
coach di USA Russel
Beneby. Training cerca di
Juan Moreno ex coach di
USA. Carlos Hernandez
di Venezuela Car
Taekwondo. Arthy Lie di
Suriname. Cedric Meulens
q.e.p.d. di Curacao.

Si nos wak bon atras e
rabo di Clifford Rasmijn ta
hopi largo, sin conta esun
di Alberto Klabér.