Page 97 - MIN VOS JULY 13

20 AWEMainta Dialuna, 13 Juli 2015

Atleta di BMX,

Zaithyel Soekandar

a logra un marca
un bon tempo den e
careda contra holoshi

DIABIERNA merdia, e hoben coredor di BMX, Zaithyel

Soekandar mester a bin den accion den e Weganan Panamericano
na Toronto, Canada ora el a competi den e asina yama careda
contra holoshi den e deporte di ciclismo, disciplina BMX.
E hoben Zaithyel Soekandar a competi contra di un elenco
profesional di henter e continente America. Como un di e mas
hobennan entre e 24 coredornan elite, e hoben Soekandar
tabata determina pa haci un bon papel den e careda contra
holoshi.
Guia pa su coach Pedro Estaba, e atleta Zaithyel a cuminsa su
careda den tremendo forma unda el a core riba un pista dificil
cu seronan halto.
Den e prome rond den e careda contra holoshi, Zaithyel
Soekandar ta marca un tempo di 38.590 seconde riba e pista
di Centennial Park, cu e tempo registra Zaithyel a termina na
di 14 lugar den 24 coredo.
E hoben Soekandar tabata contento cu su tempo marca aunke
e tabata por mihor. Asina mes el a sigui p’e Super Final di e
time trial unda e mihor 16 di e 24 coredornan ta sigui, pero aki
Zaithyel Soekandar ta sufri un accidente chikito y no ta finalisa
e time trial.
Ta bon pa menciona cu e time trial di diabierna a defeni e
posicion di salida di Zaithyel Soekander p’e careda di diasabra.