Page 95 - MIN VOS JULY 13

18 AWEMainta Dialuna, 13 Juli 2015

Youth Soccer
Camp un EXITO
ROTUNDO!!!

E PATROCINADORNAN cu a carga e kamp di futbol infantil

organisa pa Aruba Legends Soccer Academy, ta satisfecho cu e
resultado.
Un siman completo yena cu alegria, entusiasmo y masha educativo
pa nos futbolistanan cu a gosa un mundo.
Ale Aparicio y Ronald Gomez t’e fundadornan di e Academy aki y
hunto cu Maurice Escalona, Steven Melchor, Jeanluc Bergen, Alex
Hassell, nan a planea y ehecuta un kamp masha profesional unda 90
mucha a particpa di edad 6 te cu 12 aña.
Mester remarca cu nos coachnan local tin tur e talento y conocimento
pa dirigi un kamp di e nivel mas halto.
Mester gradici coachnan Roan Petronia, Jamuel Kelly, Joeward
Hoogenbergen cu den vakantie na Aruba tambe a sa di contribui.
Na directiva SV RCA cu a fungi como boluntario y tur otro boluntarionan
un danki masha special.
Na tur otro comerciante, masha danki. Na Minister di Infrastructura
p’e contribucion di tentnan di D.O.W.
Na sr. Gerald Franca di ASU y Fundacion Facilidadnan Deportivo FFD
pa nan tremendo servicio. Asina ta contribui pa forma futbolistanan
di caliber cu mayan por haci Aruba orguyoso.
Na final di e kamp tur mucha a ricibi nan raport, un certificado, un
medaya como recuerdo. Mayornan super satisfecho a gradici tur
presente. Pa mas informacion y potret por bishita FB page Aruba
Legends Soccer Academy, ATV Deporte cu Cadochi y sintonisa Poets
Show na Tele Aruba 2 di augustus pa cobertura total.