Page 18 - AWEMAINTA

18 AWEMainta Dialuna, 3 Juli 2017

Kerekentenchi ta presenta

un otro campamento hopi

divertido pa nos muchanan

DURANTE e siman di vakantie 24 july pa 31 july
Kerekentenchi Crew ta presenta un otro vakantie
camp, e biaha aki e cede di Kerekentenchi camp ta
na Centro di Bario Playa Pabou.

Di acuerdo cu Lyonel J. Dirksz, durante e siman
di camp muchanan lo haya diferente presentacion
hopi interesante y bishita di diferente instancia, lo
siña hopi cos nobo y con pa traha den un ekipo pa
alcansa e victoria di e team campeon na final di e
campamento.

E camp ta cuminsa dialuna 24 juli y ta te cu
diabierna 28 juli for di 8or di mainta te cu
5or di atardi y pa clausura e siman di camp

tur mucha lo presenta un show di clausura
den Cas di Cultura cu ta hiba como tema
‘The Magic Kingdom’.

Pa inscripcion por yama 565-1041 inbox nos riba
facebook di Kerekentenchi Party Xplosion. Diaranson
awor 5 juli mayornan por pasa na centro di Bario
Playa Pabou entre 6pm pa 8pm pa inscribi y haya
tur informacion di e siman di camp.