Page 23 - AWEMAINTA

AWEMainta Dialuna, 3 Juli 2017 23

Partido MEP ta sigui

reconoce baluartenan

DIABIERNA 23 di juni, durante e evento exitoso
“Dakota P’e Cambio, partido MEP un bes mas a duna
reconocimento na baluartenan di e partido cu durante
hopi aña a dedica nan tempo pa engrandece e partido.
For di maart aña pasa, e di tres lider di partido MEP,
sra Evelyn Wever-Croes a ricibi e honor di otorga
reconocemento na lidernan di bario y na caciquenan
di partido. Homber y muhernan cu yen di balentia
a yuda hiba e lucha hunto cu nos Libertador Betico
Croes, sr. Nelson Oduber y Partido MEP.

“Partido MEP ta gradici esnan cu tabatin e curashi y
e determinacion pa combati maldad den gobernacion.
Nos ta gradici tur esnan cu di un forma of otro a yuda
nos partido crece durante e añanan di existencia di
Partido MEP y logra metanan importante pa pais
Aruba, manera Status Aparte,
Gobierno propio, propio Parlamento, nos Banco
Central y nos propio moneda.
Nos hobennan por mira cu orguyo riba e ehempel
cu nos baluartenan a laga tras pa nos. Si nos lucha
pa un meta, nada por stroba nos pa logra” lider di
MEP a expresa.