Page 34 - MIN VOS 4 MAART 2016

30 AWEMainta Diabierna, 04 Maart 2016

Tremendo
torneo di
domino a tuma
luga na 99 Bar
& Restaurant

EPICENTRO di temblor aki na Aruba poco poco ta

schuif den direccion di 99 Bar & Restaurant na Kudawecha
caminda Han(s) ta organisando e torneo nan cu mas
emocion y accion aki na Aruba!

“Action packed” tabata e ultimo encuentro entre Team
“Family & Friends” y Team Buddha, caminda lamper cu
strena a zona y vloer a tembla ora cu “Kid Turibana” a
resona su bos, surpasando tur standard di decibel!

Den un bataya sumamente emocionante, Family & Friends
a logra gana 21 pa 18 den un wega segun algun integrante
di Buddha, y muy en particular segun e homber cu mecha
mas cortico di Aruba, pata pata di seña y contra-seña!
Manual di FBI y CIA a para chikito contra e tsunami di
señalnan cu mester a pasa riba y bou mesa pa asina di
“chiripa” Family & Friends por a gana di e temerarionan
di Team Buddha! Aki ta caminda cu, segun declaracion di
propetario di Team Buddha, ta caminda cu el a haya falta
di e maestro di domino cu ta move bou e alias di “The
Scanner”.Segun Han(s) si “The Scanner”, y su ayudante
“The High Speed Scanner”, a participa den e bataya hamas y
nunca cos por a bay asina fo’i man. Pero ya…segun Han(s),
e conocido “The Scanner” tabata mucho preocupa ta “scan”
ken ta su beurt di manda cerbes y ken a coy cuanto snacks!

Sinembargo, keda pendiente pasobra Team Buddha kier
su revancha! Trabuconan manera “Kid Turibana”, Ronny
Piscado, Franklin “Trump”, Baldo “Havanero”, y “Kid
Calabas” no ta tuma aden con cu ta y kier un revancha mas
pronto posibel! Nos lo keda tene boso na altura...

E siguiente buelta di domino den “Kudawecha Square
Garden” aya na 99 Bar & Restaurant lo ta diasabra awo
cuminsando pa 8’or di anochi, y lo bay entre e duronan di
tur tempo, Team Caba Co’, y e guynan di costa bruto patras
di Ayo, esta Red Stone Domino Team!
Keto bay Red Stone no a logra domina e veteranonan bakia
di Team Caba Co’, pero segun informe di ultima ora, Red
Stone a train den secreto pa diasabra awo si caba cu Caba
Co’ su racha di victoria! Cos ta mustra di ta bay ta hot!

Asina ta fanatico di bon ambiente, pasa palo nan di chupa
dede, y domino di nivel mundia, ata boso chens aki pa bin
disfruta di tur esaki diasabra awo, 5 di maart, cuminsando
pa 8’or di anochi, durante e emocionante encuentro entre
Red Stone Domino Team y Team Caba Co’! Yegaaa!