Page 54 - DE MEZA_Neat
P. 54
CATA ta un evento importante pa trece operadornan di tour
Tuesday, 02 May 2017 16:14
Comparti
E aña aki un biaha mas a tuma luga e evento di CATA, unda cu operadornan di tour di Latino America ta
bin pa bishita y cera conoci Aruba, bin negosha. E aña aki nan a bin hopi mas operador di tour, unda cu
Aruba tin hopi interes di paisnan Latino America, specialmente esunnan di Sur America, aunke cu tour
operador di America Central tambe sa bin.
“E negoshi aki ta sumamente importante pa Aruba y esaki ta asina pa hopi aña”, asina CEO y presidente
di AHATA, Jim Hepple a remarca. Specialmente pa hotelnan e evento di CATA ta importante, p’esey ta
haci e evento aki pa trece hopi operador di tour pero esunnan nobo tambe pa nan mira kico tur Aruba tin
di ofrece. Tambe ta organisa e evento pa partnernan cu a bin caba pa nan mira kico nobo tin ta
sosodiendo. E aña aki nos tin un participacion di 115 operadornan. Diabierna henter dia nos tin reunion
cu e operadornan di tour”, Jim Hepple a remarca. Riba e programa di CATA e operadornan di tour di
Latino Americano tabata tin 2 dia pa inspecciona e hotelnan. “Danki na ATA cu a organisa esaki y na e
hotelnan pa participa.” E evento di CATA ta bon y ta uno popular, bon organisa y un biaha mas AHATA
ta mira un evento exitoso. E importancia di CATA ta pasobra e operadornan di tour ta bin mira e
innovacion cu tin na Aruba y ademas e ta bon pa nan bin akinan, pasobra esakinan ta nan famia, asina
Senior Sales Manager di Latino America di Hyatt Regency, Martha Raven a remarca. “Ora cu nan bini
CATA nan no ta bin solamente pa negosha, nan ta bin topa nos tur cu ta nan famia. Nan ta sinti nan na
cas, manera turistanan ta bin akinan”, Martha Raven a remarca. Diabierna e operadornan di tour ta sinta
cu operadornan di Aruba, unda cu cada uno lo bay sinta cu e tour operadornan di Latino America pa
mira pa trece mas turista Aruba. Tur aña cu tin e evento di CATA, nan ta busca pa bin cu algo diferente.
Pa Martha Raven, ATA y AHATA ta haci un bon trabou pa bin cu un bon programa. E ta kere cu e biaha
aki nan ta bay dedica na niche pa hende por haya sa mas kico tin aki na Aruba y cu no ta solamente
beach. “Nos ta haciendo un bon trabou pa e banda eynan pa trece wedding niche, otro niche cu por
tin cu hende ta interesa den dje”, Martha Raven a indica. Tin un programa hopi extenso y e interes ta
hopi grandi.
http://www.24ora.com/index.php?option=com_content&view=article&id=121365:cata-ta-un-evento-
importante-pa-trece-operadornan-di-tour&catid=1:local&Itemid=5
