Page 58 - DE MEZA_Neat

Experience San Nicolas ta sigui Diadomingo binidero

Tuesday, 02 May 2017 16:11
Comparti

Experience San Nicolas, un evento cu kier duna mas atencion na e experiencia unico cu tin na San
Nicolas, lo tuma lugar un biaha mas diadomingo 7 di mei binidero di 10’or di mainta pa 2’or di merdia.

E biaha aki Experience San Nicolas lo ta den cuadro di Dia di Mama, ofreciendo tur bishitante e
oportunidad pa cumpra e regalo special pa tur e mamanan na Aruba y tambe participa na diferente
workshopnan special cu e tema di Dia di Mama. Cosecha lo bay tin un workshop di Origami (arte cu
papel). E artista Derek Chong lo guia e grupo di participante pa traha un bunita bouquet di flor pa mama.
Tur famia y gruponan di amiga ta invita pa bin traha bouquet di flor y tambe cumpra obranan unico pa
regala mami. Y participacion na e workshop ta completamente gratis. Na Museum of Industry lo bay tin
tournan special pa nos mamanan na mitar di prijs y den colaboracion cu Espacio Azul y ATEMOSA lo
ofrece un workshop di Mosaic special cu tema di Dia di Mama duna pa sra. Enrita Werleman. Pa reserva
pa e workshop por registra yamando 5935509 of via info@espaciozularuba.com. Participacion na e
workshop ta consisti di material, drinks, snack y tambe entrada pa e museo. E parti special ta cu tur
mama cu bishita museo lo participa pa gana un premio special na cortesia di Aqua Nails Spa Aruba, The
Old Cunucu House y Spa del Sol.

E ganadornan lo wordo anuncia dialuna 8 di mei via e facebook page di Museum of Industry. Gladys ta
warda tur hende pasa bishitele na Community Museum pa un tour bek den tempo. Entrada akinan lo ta
na mita di prijs y tambe tin oportunidad pa gana premio. Probecha e diadomingo aki pa pasa un rato
ameno cu mami y siña mas over di nos herencia cultural. E tiendanan y restaurantnan di semper lo ta
habri riba e dia aki na San Nicolas. Esakinan ta entre otro Wema, El Gallo Rojo, Alankar, JM Enterprises,
La Aruba, Joy’s Restaurant, Aruba Store, Topaz Takeway y O’Niel Caribbean Kitchen. Subi e pagina di
facebook di Experience San Nicolas y haya sa mas informacion di e edicion aki di Experience San Nicolas
“Mother’s Day Edition”.

http://www.24ora.com/index.php?option=com_content&view=article&id=121364:experience-san-
nicolas-ta-sigui-diadomingo-binidero&catid=1:local&Itemid=5