Page 60 - DE MEZA_Neat

compania, pa Gobierno haya placa. Dicon Gobierno mester di placa net den porta di eleccion?
Ta pa haci campaña cun’e.

Croes kier a manda un mensahe di cautela na director di WEB y tambe na director di Utilities.
Si tin algo cu ta prestando placa, pa Gobierno, sea ta pa paga dividendo of manera cu a señala.
Compronde cu ta bay haya sa, y podise dia 22 di September ta haya sa.

Croes ta pidi, ohala cu un dado momento ta mira cu ta pendiente di loke ta pasando den WEB,
Elmar y Utilities, no kier pa nada iregular tuma luga, pasobra dado momento, si presta placa pa
pone placa den caha di Gobierno y Gobierno cu bin despues di dia 22 di September, nan no ta
bay haya nada pa traha cun’e y ta un problema grandi ta bay resolve.

Pesey ta loke kier alerta riba dje.

Dividendo

Croes a comenta cu si tin dividendo, ta pasobra tin ganashi y si no tin ganashi, e ora no por
paga dividendo. Of bo ta bisando, Gobierno ta pidiendo loke ta sospechando. Nan kier un
voorschot riba dividendonan futuro y door cu nan kier un voorschot riba dividendonan futuro,
mientras cu nan no a gana e placa ainda, e ora WEB mester presta placa pa paga e dividendo
aki y esey ta totalmente inhusto pa pone e peso ey riba cualkier compania di Gobierno si un
dado momento no sa kico ta bay ta su resultado financiero. Esey ta juist e esencia di e
preocupacion di MEP.

Proyectonan ta canando?

Croes a splica cu no kier ta mensaheronan di mal noticia. Un cos si, ta pendiente, ta alerta y
atrobe ta bisa, cu ta manda e señalnan di alerta aki pasobra no kier pa WEB, Elmar of Utilities,
hinca nan mes den debe pa complace Gobierno. Awor aki nos ta den porta di eleccion y nan
kier haci nan cosnan den campaña. E mal uzo di fondonan di nos companianan nacional, kier
proteha nan. Tambe kier duna e Gobierno nobo cu ta bay sinta, e posibilidad cu nan lo por tin
fondo pa nan por resolve problemanan.

E gobiern cu bin despues di eleccion, ta problema grandi e ta bay tin pa resolve. Loke ta
pasando cu e debe ta sigui subi. Gastonan ta sigui subi. CFT a cay riba dje caba. No a haya
refinanciamento na interes mas abao, pasobra ta mustra cu Gobierno no tin e diciplina, e
boluntad pa coregi rumbo di e maneho financiero. Despues di Gobierno, ta problema grandi ta
bay bin, muy probablemente si AVP mester ripiti, ta sla grandi ta bin pa e pueblo aki. Mester
pa e Gobierno nobo cu wordo eligi, tin e flexibilidad, e manera y fondonan pa bay resolve con
bo ta baha e debe, con bo ta baha e gasto, pa asina no tuma mas medida contra un pueblo cu
ta pasando momentonan dificil, na man di un Aruba cu a bira imposiblemente caro pa
sobrevivi den dje, e parlamentario a expresa.

http://www.24ora.com/index.php?option=com_content&view=article&id=121368:glenbert-croes-di-
mep-ta-manda-un-advertencia-na-directornan-di-web-elmar-y-utilities&catid=1:local&Itemid=5