Page 59 - DE MEZA_Neat

Glenbert Croes di MEP ta manda un advertencia na

directornan di WEB, Elmar y Utilities

Tuesday, 02 May 2017 19:38
Comparti

Despues cu na dos diferente ocasion, durante conferencianan di
prensa di partido MEP, a trece punto dilanti cu Gobierno

, den e caso aki, a bay laga WEB fia 50 miyon, pa asina nan por bay uza pa campaña, mirando
cu eleccion ta den porta. Director di WEB, minister y director di Utilities a nenga esaki
rotundamente.

Glenbert Croes, parlamentario di MEP, a tuma nota di e declaracion di director di WEB debidamente. A tuma
nota tambe di e director di Utilities debidamente.
Por a ripara cu director di WEB ta incomodo cu e situacion, mirando cu nan ta canando riba un
liña fini cu nan contesta, di e señalamento, acusacionnan cu Croes a haci.

Kico nan ta bisando

Nan ta bisa cu nan no ta prestando placa pa Gobierno haci campaña cun’e. Pero tambe den e
contesta cu director di Utilities a duna, cu loke nan ta atendiendo cun’e ta asuntonan di
dividendo.

Kico ta e problema

Ora cu ni WEB of Utilities of cualkier un di e companianan cu ta cay bao di Utilities, cu ora cu
nan no tin placa pa paga dividendo y ora cu Gobierno kier pa nan paga dividendo toch, kico
nan ta bay haci. Segun Croes, nan ta presta placa pa paga Gobierno e dividendo. Si no tin placa
pa paga dividendo, no por paga dividendo y si no tin placa pa paga dividendo, no por bay
presta placa pa paga dividendo. Loke cu Croes ta señalando, cual informacion no ta wordo saca
for di laira, ta cos cu a haya internamente for di WEB y unda cu nan a insisti cu Croes, cu un
dado momento, loke ta pasando aki, entre lip, den e contestanan, principalmente di director di
Utilities, a laga di compronde cu ta asuntonan di dividendo na ta tratando. Pero e pregunta ta
cu si no tin placa pa paga dividend y ta bay presta placa pa paga dividendo prome cu eleccion.
Gobierno tin un placa pa ricibi fondo y sa cu tur fondo cu nan ricibi prome cu eleccion, nan ta
bay hink’e den campaña. Ta e mesun motibo cu ta pasando cu e issue di benta di FMSA (Fuel
Marketing Supplies Aruba), cu antiguamente cu tabata subsidiario di Valero cu tabata distribui
gasolin, diesel y jetfuel. Dado momento dicon ta bende cu un tercera. Pakico ta hipoteca e