Page 34 - AWM 12AUG2017

34 AWEMainta Diasabra, 12 Augustus 2017

Fundacion Mito Croes y AVP ta DIALUNA ultimo, 7 di augustus a cumpli

recorda prome aña di fayecimento e prome aña di e desaparicion fisico di e gran
politico y experto constitucional sr. Antonito
di e gran politico Arubiano Giordiano “Mito” Croes (d.f.m.).
Pa marca e ocasion aki cu su merecido respet
y atencion, Fundacion Mito Croes pa Estu-
dionan Social Cristian Aruba a organisa un
ceremonia solemne na su graf na Santana
Catolico di Paradera. Na esaki a asisti famia,
amigo y coleganan di defunto Mito pa rindi
honor y demostra con keto bay e ta bibo den
tur nan memoria.

Mito a ser describi, na un aña di su fayeci-
mento lamentabel y cu a laga un bashi asina
grandi atras, manera un persona cu un curason
di oro, un mente di genio y e alma di un amigo
berdadero. Un y tur por bisa cu Mito tabata
un gran amigo pa cada un di esnan presente,
un persona cu no lo keda lubida hamas y ta
biba den memoria di nos tur.
Fundacion Mito Croes di Estudionan Social
Cristian Aruba ta e miho manera cu Mito ta
laga un stempel pa loke el a nifica pa pais
Aruba.

President di e fundacion, sr. Philippe La Reine,
ta entre esnan cu a hiba palabra, hunto cu Ros-
ita Madari, senora viuda di Mito. Tabata hopi
emotivo pa scucha nan papia di anecdotanan
comparti, pero tambe di e deseonan cu e gran
politico tabatin pa cu e desaroyo di nos isla.
Ademas di palabranan bunita y recuerdonan
comparti, tambe a haci ofrenda floral den
nomber di Fundacion Mito Croes dor di su
Secretario Franklin Hoevertsz Jr. y Monica
Oplaat, mientras cu di parti di Partido di
Pueblo Arubano a haci ofrenda candidato
Mervin Wyatt-Ras y lider Mike Eman.

Consecuentemente lider di AVP mes a hiba
palabra indicando con, entre su multiple virtud
y talento, Mito ta haci falta su sabiduria.
“Cada momento cu bo tin un preocupacion,
un reto bo dilanti sea personal of politico,
constitucional semper bo por a conta cu con-
sehonan hopi importante di Mito”, Eman a
bisa. “Consehonan cu te awe ta sirbi pasobra
den e consehonan di Mito semper tabatin un
liña di pensamento, un base di norma, balor-
nan, sentidonan di kico ta e compromiso cu
un pueblo y pais y kico ta un prohimo pa bo
conciudadanonan.”

Basa riba esey, segun e lider politico, Mito a
inculca den nos tur e sentimento di kier sirbi
nos pais, pero di kier ta tambe un bon ruman
di tur den nos comunidad.
“Awe cu e no tey mas, nos ta para akinan pa
duna reconocemento n’e virtudnan importante
aki.”