Page 61 - MIN ECEM

Fraccion di MEP ta pretende cu ley di screening mester ta
retroactivo

Sunday, 04 June 2017 18:51
Comparti

Fraccion di MEP a trata di uza tur excuus cu nan por a inventa, pa no sostene e proyecto di ley cu ta regla screening
di Minister
, cual concepto di ley a wordo presenta pa Parlamentario Marlon Sneek y fraccion di AVP.
E lider di fraccion di AVP a mustra cu otro argumento cu miembronan di oposicion di fraccion di MEP a bin pa no
sostene e ley di screening di Minister, ta caminda principalmente nan a mustra cu Marlon Sneek lo a bin c’un ley di
iniciativa pa laba cabes di su Ministernan, pa sconde cos pa hende y pa scapa su Ministernan.
Ta un tristeza grandi pa scucha principalmente miembronan di fraccion di MEP bisa e cosnan aki ya cu den e
fraccion aki tin no menos cu tres hurista cu ta pretende, cu nan ta e miho huristanan di mundo pero ta papia e tipo
di barbaridadnan aki.
E ley aki segun Marlon Sneek, ta drenta na vigor dia prome di Augustus 2017 y e ley aki no tin un forsa
retroactivo, loke kiermen cu e ley no tin ningun consecuencia pa Ministernan cu ta den funcion na e momentonan
aki.
Si e Ministernan den e funcion aworaki, haya nan mes den cualkier problema, nan tin cu cumpli cu ley y reglanan
manera cu nan ta existi y ta otro argumento fofo di miembronan di MEP pa no sostene e ley.
Sr. Sneek a mustra cu e ley aki ta bay conta pa e Ministernan cu lo bay forma parti di e siguiente periodo di
gobernacion cu lo bira conoci despues di e proceso electoral na proximo luna di September y caminda nan lo tin
pasa den e proceso di screening.
E actual conseho di Minister ya caba a pasa den un screening a base di e “Landsbesluit” cu gobierno di MEP a
introduci pero for di dia prome di Augustus e Landsverordening ta drenta na vigor y e ley no tin ningun forsa
retroactivo.
Ta otro tipo di cuentanan ridiculo cu miembronan di oposicion ta trata di convence pueblo cu esakinan, pa hustifica
cu nan no a sostene e proyecto di ley aki, caminda e proceso di screening ta bira algo concreto y sigur.
Parlamentario Marlon Sneek ta mustra cu ta otro tipo di wega politico di fraccion di MEP, cu nunca ta presenta na
trabou pa pone nan mes na altura di kico ta pasando den Parlamento y cual aporte nan por duna na cualkier
concepto di ley cu wordo trata den Parlamento.