Page 56 - MIN ECEM

Carlos Bermudez: Mi ta bin pa traha, pa hunto nos construi
un Smart Aruba

Sunday, 04 June 2017 20:43
Comparti

Diasabra anochi un concentracion di Partido di Pueblo Arubano a tuma luga na Boegoeroei pa cu e
lansamento oficial di Ingeniero Carlos Bermudez como candidato.

Den su introduccion Bermudez a manifesta su determinacion pa traha na bienestar di Aruba, en
particular riba e aspecto di telecomunicacion y informatica cu ta su specialidad. E candidato a papia di
con despues cu gobierno a percura durante ultimo ocho aña pa Aruba tin un infrastructura di nivel halto,
ta yega momento pa traha riba e infrastructural digital cu por haci di nos isla un pais cu ta ‘Smart’ tambe.

“E bon trabou ta sigui shonnan,” asina e candidato nobo a cuminsa bisando. “Banda di tur e
infrastructura cu pueblo ta mira cu ta wordo mehora, e momento a yega pa nos crea un infrastructura
nobo, pero digital. E infrastructural digital aki mester tin un rol esencial den tur departamento di
gobierno y den tur ministerio cu duna asistencia na e trabounan di husticia, salubridad publico, pa yuda
enseñansa; djis pa nombra algun.”

Ing. Carlos Bermudez ta e menor di 7 ruman homber, yiunan di Dominico “Do” Bermudez y Theodora
“Doja” Bermudez-Tromp, un famia humilde, trahado y hende di tur hende. Na 1989 Carlos a bay studia
na Eindhoven, Hulanda caminda el a logra su prome titulo di Ingeniero den e ramo di Telecomunicacion.
El a sigui studia den e ramo di ciencia di computer, logrando un di dos titulo como ingeniero den
Telematica. Pa 7 aña el a traha pa diferente companianan multinacional, manera Philips. Na 2002 el a
regresa Aruba despues cu a haci un apelacion na su persona pa guia e Departamento di Automatisacion
di Gobierno di Aruba y tin seis aña caba como director.

Bermudez a gradici famia Tromp na Boegoeroei cu semper a sostene y kere den AVP pa permiti’e realisa
e evento dilanti di nan cas. El a finalisa su introduccion bisando cu “Pueblo ta consciente di e trabou cu a
wordo eherce. Pueblo ta consciente cu e pais aki a progresa. Pueblo ta consciente tambe cu no tin opcion,
Berde e ta. Berde e ta, Noord e ta, Bermudez e ta.”