Page 17 - MIN ON MARCH 29,2016
P. 17
20 AWEMainta Diamars, 29 Maart 2016
Studiantenan
a bishita Expo-
Betico Croes
E EXPO-Betico Croes na sede di MEP a hala miles di
bishitante, tanto den fin di siman, como den siman.
Scolnan tambe a bishita e Expo y por a nota cu e hobennan
tabatin hopi interes den e Expo.
Practicamente tur a scucha di Betico, pasobra nan
mayornan of nan abuelonan tabata conoce Betico, a vota
pa Betico of a lucha hunto cu Betico.
Candidatonan di MEP tambe tabata presente p’asina
contesta pregunta di e hobennan. Mester remarca cu e
hobennan a keda hopi contento cu e informacion y ta
bunita pa mira cu awe, casi 30 aña despues di morto di
Betico, ainda tin tanto interes den su bida y su lucha.
“Pami ta un honor y alegria di ricibi nos hobennan na
nos sede pa comparti cu nan e historia real di nos Status
Aparte. Esaki no ta simplemente un storia, pasobra den
e Expo bo por mira articulonan di corant, documentonan
Parlamentario y grabacionnan riba video pa prueba esaki.
Mi a sintimi hopi honra di por a comparti cu e hobennan e
experiencia cu mi tabatin cu Betico y e lucha pa nos Status
Aparte. Mi ta especialmente agradecido n’e maestronan
cu a trece e hobennan aki. Awor nos ta bay prepara p’e
Expo 45 aña MEP cu lo ta mucho mas grandi y lo tuma
lugar na augustus/september den cuadro di e gran
celebracion di 45 aña MEP”, lider di MEP, Evelyn Wever
Croes a duna di conoce.
