Page 2 - AWEMAINTA
P. 2
2 AWEMainta Diabierna, 25 Mei 2018
Caso IBIS no tin fecha specifico pa sigui
PRACTICAMENTE tur e sospechosonan den caso IBIS,
cu excepcion di un, cu tabata programa pa presenta den
e Regie-Zitting di awe diahuebs y mañan tin e acusacion
contra nan di corupcion di un ambtenaar den e periodo di
prome di januari 2014 te cu 28 di maart, 2017.
Mirando con lihe e di dos sesion di diaranson merdia a bay,
Hues a dicidi di yama tur e acusadonan di diabierna pa
presenta riba diahuebs merdia pa di e manera aki cera e
prome Regie Zitting di caso IBIS den oranan di atardi.
Esnan cu mester a presenta riba e dia di awe tabata un lista
di 14 persona, di cual uno sa no a logra haya pa e presenta.
Solamente e homber REEP tabatin un acusacion adicional,
cual tabata posesion di documento falsifica den e mes
periodo.
Hecho ta cu den e casonan di awe tambe a papia di algun
testigo cu kier wordo scucha y algun investigacion adicional
pa cual e casonan mester bay pa Hues Comisario y a wordo
posponi pa fecha indefini.
Den luna di september lo mira con leu a logra avansa cu
scuchamento di testigo y investigacion adicional durante un
di dos Regie-Zitting. Eyden lo dicidi riba peticionnan nobo
cu por drenta y si no tin ningun peticion, lo pone fecha pa
tratamento di e caso cu Ministerio Publico ta spera cu lo por
tuma luga prome cu fin di aña.
E caso aki Ministerio Publico a bisa di ta dividi den dos
grupo: e cabesnan y esnan cu un rol menor.
Caso IBIS tin dos aña bou di investigacion y ta consisti di
mas di 20.000 pagina, sin conta audio y tapmento di telefon.
E sospechoso principal pa OM den e caso aki ta ex Minister
Paul Croes, hunto cu tres ex coordinador di dje mas algun
tramitador y otronan cu a duna sponser supuestamente a
cambio di e afamado ontheffing.
E acusadonan cu a presenta riba diahuebs tabata: Tang Wag
Siem Wong; Hang Ching Fung; Chunyan Liang; Robio de
Vecchia; Luis Eduardo Ochoa Ramirez; Ninosca Nuñez;
Franklyn Bareño; Fernando Latoracca; Robert Jan Nico
Dalmeijer; Jairo Wever; Mario Arango Quinceno; Rudmilla
Martinus; Mary Vernais y Rosa Elena Elejalde Patino.
Coreccion: Esnan cu a presenta despues di merdia diaranson
tabata: Juanchito Filiciana (no Bito); Felipe Schwengle;
Aleida Vasquez; Tatyan Cheng y Jiecaho W
