Page 7 - AWEMAINTA

AWEMainta Diabierna, 21 Juli 2017 7

Hipólito “Eddy” Ras (POR):

Pa medio di structura un maneho entre Cuerpo Policial y Departamento

di Asunto Social por traha preventivo y evita problema social

FRECUENTEMENTE tin diferente caso di problema
social ta sosode, unda cu Cuerpo Policial ta wordo
yama pa asistencia na e momento di suceso. Den un
situacion cu tin di haber cu problema social, locual un
agente policial por haci ta interveni. Cu interveni ta
haci cu e situacion a wordo calma pa un momento, pero
no cu e situacion a wordo resolvi. Cual cu ta haci cu e
oportunidad cu lo bay tin mester mas bes asistencia di
Cuerpo Policial pa mesun un situacion ta grandi, segun
Eddy Ras.

Hopi di e casonan cu problemanan social por wordo
atendi di trempan y traha un programa pa tin un solu-
cion, en bes di laga e situacion keda empeora. Pa medio
di structura un maneho entre Cuerpo Policial cu De-
partamento di Asuntonan Social, ta crea e oportunidad
pa tin bista na unda y kico e situacion ta. E maneho
pa yega na informacionnan por tuma lugar pa medio
di un database den sistema gubernamental, cu ambos
depertamento tin aceso na dj’e, Ras ta splica.

Momento cu Cuerpo Policial wordo yama pa asistencia
unda cu tin di haber cu problema social, Cuerpo Poli-
cial por traha un notacion den e database di locual cu
a sosode.
Dor di e database di biaha departamento di asuntonan
social por tin un bista riba con frecuente Cuerpo Policial
tin cu bay na mesun sitio y pa ki motibo.
P. e. si na un cas varios biaha ta wordo yama pa asis-
tencia di Cuerpo Policial pa motibo di problema social,
ta duna un indicacion cu e persona(nan) di e cas tin
mester di ayudo social.
Pa medio di e informacionnan den e database, Depar-
tamento di Asuntonan Social por analisa y tin un bista
di kico e situacion ta, e candidato di POR ta remarca.

Pa medio di un maneho structura por traha un programa
di biaha si tin mucha cu ta crece den un ambiente nega-
tivo. Dor di structura un maneho por evita cu e mucha
wordo desaroya unda cu e ambiente unda e ta bin ta
biba aden tin influencia negativo riba su conducta.
Na mes momento como Gobierno bo ta formula un
maneho un maneho preventivo cu problemanan social
lo pasa di generacion pa otro generacion. Esta cu un
mayor cu no tin un formacion social fuerte, lo haci cu
e lo no sa con pa duna su yiu un miho formacion, Ras
ta indica.

Pa medio di structura un maneho entre Cuerpo Poli-
cial y Departamento di Asunto Social, lo percura cu e
personanan cu mester di ayudo social haya esaki mas
rapido y efectivo.
Alabes tambe ta crea un miho calidad di bida den comu-
nidad unda cu e efecto di problemanan social lo wordo
minimalisa, cual lo brinda trankilidad den barionan,
Eddy Ras ta termina.