Page 15 - MIN ECUE

“ No tabata nada dificil pa afirma nos participacion un biaha mas den Aruba Art Fair y e

biaha aki como partner organizador. Ya cu e meta di Aruba Art Fair ta cuadra totalmente

cu esun di nos Fundacion” Alice van Romondt, artista, colecionista di arte y gran dama

sostenedor di Cultura ta afirma.

Prins Bernhard Fonds ta activo sostenedor di artistanan den e islanan di Antiyas. Aruba,

Curacao, Bonaire, Statia, Saba y Sint Maarten. Y lo trata na trese un participante di cada

isla pa participa den e dianan November 24, 25, 26 den e cayanan di San Nicolas.

Cu un danki grandi na Monumentenfonds, a logra di haya e edificio di ex Duane na San
Nicolas cu lo sirbi como galleria pa e obranan, mientras cu dilanti y na banda di e edificio

lo tin posibilidad pa short movies y otro pop up galleries. Tin masha hopi entusiasmo pa

desplega nan talentonan y comparti esaki cu e publico di Aruba.

Un di e partinan escencial cu lo tin tur enfoque riba dje ta e cuido pa Naturalesa y Medio
Ambiente desplega den nan publicacionan pero tambe den obranan sensacional capta dor

di lensnan di e ambientalistanan y fotografonan.

E persona cu ta bishita Aruba Art Fair lo por haya tambe un splicacion di kiko ta ta

encera Prins Bernhard Cultuurfonds y con pa aplica pa subsidio.

Prins Bernhard Fonds lo tuma na su encargo e aňa aki e parti di Conocemi, cu ta e

documental di e artistanan di Aruba. Un short clip di 3 minuut na unda ta mustra e talento

y e bida di e artista. Esaki ta un joya pa Aruba su continuacion di loke ta cultura y arte. Y

hunto cu Aruba Art Fair lo trese e documentalnan aki na scolnan hunto cu un lesbriefje y
asina fomenta e conocimento un poco mas di nos hendenan. Tambe lo sondea e