Page 20 - MIN ECUE
P. 20
ARUBA TOURISM AUTHORITY TA
INFORMA COMUNIDAD RIBA HIGH
SEASON DI TURISMO CRUCERO
October 24, 2017
TUMA NOTA CU AUMENTO DI TRAFICO Y ACTIVIDAD COMERCIAL
ORANJESTAD – For di dia 1 di october, Aruba a drenta oficialmente su temporada halto di turismo crucero. Esey
tabata notabel caba algun dia atras ora cu, riba un dia tabatin 5 barco crucero mara na waf di Oranjestad
simultaneamente.
Ademas di e bienestar economico, e volumen halto di turista ta trece cu n’e tambe mas trafico di persona,
specialmente den centro di ciudad.
Pa tal motibo, Aruba Tourism Authority ta comparti cu comunidad en general, e dianan cu nos isla lo ta mas bishita
pa barco crucero. Di e manera aki ta busca pa tur hende ta bon informa y prepara pa cu e aglomeracion, cu por causa
trafico en general mas slow cu normal. Dianan riba cual tin tres barco crucero of mas na Aruba, facilmente lo por
haya riba 10 mil turista canando rond di nos capital, pero tambe nan ta bishita nos beach y ta bay riba tour pa conoce
otro partinan di nos isla.
Mario Arends, Cruise Manager pa Aruba Tourism Authority ta splica cu atrabes di media social y otro medionan di
comunicacion ta informa nos comunidad pa haci e preparacion debi y brinda un experiencia mas positivo posibel na
nos bishitantenan crucero.
