Page 15 - MIN ON

A9
reino Diahuebs 19 OctOber 2017
Prome nombernan di

gabinete nobo Hulandes

conoci

DEN HAAG - Despues di 7 luna di formacion, e gabi-
nete na Hulanda ta casi cla pa bay goberna. Reciente-
mente minister president di Hulanda, Mark Rutte, a
laga sa na prensa cu e puestonan di minister ya caba ta
distribui, pero tin algun minister ainda mester laga sa
si nan ta dispuesto pa tuma e posicion, segun e fuente
NU.nl.

E Ministerio di Siguridad y Husticia actual tin un ministro y
secretario di Estado, pero awor ta haya dos ministro pa Hus-
ticia y Siguridad. A wordo confirma cu e secretario di Estado,
Sander Dekker (Educacion), lo bira e minister di Siguridad di
e partido politico VVD.

Locual cu no a wordo confirma ta, cu Ferdinand Grapper-
haus (abogado y profesor di derecho laboral) di CDA, lo bira
e minister nobo di Husticia. Probablemente Hugo de Jonge
(CDA), Kajsa Ollongren (D66) y Carola Schouten (Christe-

nUnie) lo ta e tres vice prome ministronan den e gabinete di
Rutte III. Lidernan di e fraccionnan Sybrand Buma (CDA),
Alexander Pechtold (D66) y Gert-Jan Segers (ChristenUnie)
lo keda den Tweede Kamer.

VVD
Locual cu ta pa VVD, e actual secretario di Estado Eric Wiebes
lo cambia pa ministro di Economische Zaken y bou di e
ministerio aki lo cay asuntonan di clima. Halbe Zijlstra lo
cambia di lider di fraccion di VVD pa ministro di Asuntonan
di Exterior.

CDA
E partido politico CDA probablemente kier pa Hugo de Jonge
(wethouder na Rotterdam), wordo nombra como ministro di
Salud Publico, Bienestar y Deporte.
Pa ministro di Defensa, CDA lo kier Ank Bijleveld yena e
posicion. Antes sra. Bijleveld tabata secretario di Asuntonan
di Reino y sa bin hopi na e islanan Caribense. Wopke Hoeks-
tra (CDA) ta e candidato pa e puesto di Financia. Sra. Hoek-
stra actualmente tambe tin un funcion halto na e firma con-
sultorio McKinsey.

D66
Kajsa Ollongren, cu ta loco-burgermeester na Amsterdam,
probablemente lo bira ministro di Asuntonan Interno y Re-
ino. Specialista financiero den Tweede Kamer, Wouter Kool-
mees lo bira e ministro di Asuntonan Social y Labor.
En total e gabinete lo ricibi 16 ministro y 8 secretario di es-
tado. Probablemente lo tin 12 ministerio. Di e ministronan,
6 lo wordo nomina via di VVD, 4 di CDA, 4 di D66 y 2 di
ChristenUnie. Pa e secretarionan di estado, respectivamente
3, 2, 2 y 1.
E siman binidero e candidatonan lo wordo gescreen pa e ser-
vicio de siguridad y Oficina di Impuesto. Otro siman lo papia
cu e candidato funcionarionan di gobierno. Prome minister
Rutte kier termina e combersacionnan den tres dia, y esey ta
significa cu e gabinete nobo lo wordo inaugura dia 26 de oc-
tober.