Page 2 - HOH

DIABIERNA 29 DECEMBER 2023 DIARIO PAGINA 5
Opinion publico:
Añorando Caya Grandi su

temponan di bonanza

ORANJESTAD (AAN) — Diahuebs, mainta trempan,
ora cu e portanan di e tiendanan na Caya Grandi a
cuminza habri, e bista di un caya bashi mientras yobida
tabata baña e ciudad, a trece un sentimento di añoranza
di e temponan di bonanza di nos “Caya Betico”.
E temponan unda ainda Caya Grandi no a haya un
renovacion, e aceranan no tabata di e bunita ey, ni tabata
tin un riel unda un tram ta core, pero pa e temponan aki
di December autonan tabata pasa riba e caya yena cu
awa, e hendenan tabata bula riba charco di un banda
pa otro, y nada tabata stroba hende drenta den tienda,
busca e miho oferta pa Pasco of Aña Nobo.
No tabata tin e cantidad di edificionan na mal estado
manera awendia, cu ta duna un masha mal bista yena
cu sushi di paloma, bentananan kibra, murayanan cu un
dia a haya verf, awo ta tur rasca y mahos. Esaki un poco
pabao di e botica na final di Caya. Awo ta masha poco
hende por mira ta cana Caya Grandi di punta pa punta,
algun tienda tin oferta cu no ta hala mucho atencion, y
unico lugar cu por a nota cu yen di hende ta e botica,
pues hopi hende buscando remedi pa griep of malo di
stoma.
Por a scucha un par di hende local puntra ki ora e tram
ta pasa eybanda pa nan yega cerca di un autobus, pa
scapa di e tiki yobida cu a cay mainta.
Cada bez cu un gobierno nobo asumi e mandato, hopi
promesa ta wordo haci pa rebiba Caya Grandi, y no
solamente promesa, a bin cu ideanan innovativo pa trece
nos cultura mas cerca di e ciudadano, exposicionnan,
hasta feria gastronomico, pero ta parce cu e mesun
comerciantenan no ta haciendo mucho di nan banda pa,
por ehemplo, cambia e fachada di nan lugar, alegra e
dianan aki cu musica for di trempan cu tin e smaak di
un temporada di pasco y fin di aña. E ciudadanonan mes
no ta scoge Caya Grandi pa haci compras, pero nan ta
bay pafo di ciudad, na un of otro distrito, unda e trafico
ta bira super druk, mientras Caya Grandi ta bashi.
Esaki ta un opinion publico cu a sali for di e curazon
di e persona cu a observa y a pone tur e impresion cu
el a haya recoriendo Caya Grandi, riba un escenario
Telefonnan di DIARIO cu tur su actornan, y cu ta pidi pueblo y gobierno: ban
uni, ban trece Caya Grandi, Caya Betico bek, den su
582-6747 Fax 582-8551 esencia. No lague pa despues, na dado momento tin cu
cuminza, y esey mester ta awo pasobra si sigui warda e
no lo yega nunca!