Page 20 - AM240718

20 DEPORTE AWEMainta Diahuebs, 18 Juli 2024

E ta mantene 5 ‘journal’ pa keda enfoca

Femke Bol, preparando pa un

temporada deportivo sumamente ocupa

FEMKE Bol, e atleta di ‘track and field’ di 24 aña di Hulanda,
ta preparando pa un zomer deportivo hopi yen. E ta comparti
e disciplina, guia y e cinco journal cu e ta mantene pa keda

na top di su wega.

Pa maneha stress, Bol ta mantene su emocion p’e evento di
Paris na un nivel abou. E ta splica, “Enfocando mucho riba un

evento ta stress mi. Mi ta prefera di pone varios meta durante
un temporada druk. Mi a focus prome riba e Campeonato
Europeo na juni, y awor mi ta preparando pa Paris, cu e meta
di ta den mi miho forma.”

Bol a demostra un ‘performance’ sobresaliente den e ultimo
añanan. El a gana dos medaya di oro den 400 meter hurdles y
e 4x400 meters relay n’e Campeonato Mundial na Budapest

aña pasa. E aña aki, el a bira un campeon mundial ‘indoor’
dos biaha y a kibra e record mundial dos biaha den e 400
meter.

Reflehando riba su trayecto, Bol ta conta cu el a train hunto
cu atletanan mas talentoso den su hubentud. E ta atribui su
exito na un combinacion di talento, disciplina, goso den e

deporte, y un excelente guia. “Semper mi tabata disciplina.
Mi ta encanta pone metanan y dedica mi mes completamente
na nan. Evita bebemento y fiesta ta facil pa mi pasobra mi ta
disfruta di train duro y pusha mi mes,” e ta bisa.

Ambientenan di sosten tabata crucial pa Bol, specialmente
durante contratiempo. E ta corda e caida dramatico net
prome cu e liña di yegada den e mixed 4x400 meters relay

n’e Campeonato Mundial di 2023, cu a costa su team e
medaya di oro. Su pareha, Ben Broeders, tambe un atleta,
ta provee consuelo y comprension, compartiendo su expe-
riencianan.

Bol ta haya stabilidad y balor terapeutico den mantene
cinco journal. “Un journal ta pa mi sentimentonan, otro
ta un diario detaya di careda. E practica aki ta duna mi un

sentido di stabilidad,” e ta splica. A pesar di no tin ritualnan
straño den su journal, e hairpinnan di oro di Bol ta parti di su
“supersticion inofensivo.” E ta agrega cu humor, “Mi ta dal
mi cara prome cu un careda y bisti mi paña di careda hopi

trempan. Un biaha, un competido a pensa cu e tabata laat
mirando mi cla asina trempan.”