Page 17 - bon-dia-aruba-20200514

A17
locAl Diahuebs 14 Mei 2020

Te ayera mainta 7 caso positivo activo di Covid-19

Aruba tin’e controla pero pandemia di Covid-19 no a termina ainda

ORANJESTAD - Ayera a registra e cifra mas abao di
casonan ainda activo, desde cu e cantidad di caso a
cuminsa subi na fin di maart y cuminsamento di april
ultimo.

Sinembargo den e actualisacion di casonan duna cu depar-
tamento di Salud Publico (DVG) ta aparece 7 caso positivo
activo di e virus. Y ainda e mesun cifra di 101 caso positivo for
di dia 5 di mei ultimo. Practicamente di loke a bay cori, desde
dia 4 di mei cu Aruba a drenta den e prome nivel di flexibili-
dad di e shleter in place, 1 caso positivo so a registra.

PR di DVG, Jurette Croes a probecha pa recorda comunidad
y na tur persona cu e pandemia di Covid-19 no a termina. A
pesar cu na Aruba nos tin'e hopi bon maneha, pero e pan-
demia pafo di Aruba no a caba. E a enfatisa cu ta necesario pa
nos sigui mantene nos mes na tur e instruccionnan cu DVG
ta bin dunado den e ultimo dos luna cu a pasa.

Durante e periodo cu nos ta bin confronta e crisis di Cov-
id-19, Croes a laga sa cu DVG a purba di haci nan maximo
esfuerso di educa comunidad con pa biba den e normal nobo.
“Pa constantemente proteha nan mes di e virus di Covid-19,
tanten cu no tin otro solucion,” el a bisa. Pues te ainda mundo
cientifico no a bin cu un vacuna debidamente aproba.

Den su ultimo actualisacion, PR di DVG a bisa cu 91 persona
a recupera di e virus. Mientras cu negativo nan tin registra
1812 caso. 1913 persona a wordo getest te cu awor, y den cu-
arentena nan tin 54 persona. Ainda 1 persona ta den ICU y
tres persona DVG tin registra cu a fayece pa motibo di e virus.