Page 3 - AM210922

Diaranson, 22 September 2021 AWEMainta.com 3

Editorial

Troonrede ta duna honor n’e dicho: “Ora lama seca, berguensa ta pa Dios”

Ayera Hulanda a celebra su Prinsjesdag” caminda pa tradicion Rey Willem Alexsander ta
presenta e mensahe di Gobierno Hulandes cu ta demisionario y cu sin duda, a percura pa gran

asombro cerca hopi hende, sigur e parternan di Reino.
Un mensahe cu na Hulanda den varios medio di comunicacion a wordo cuestiona pa su falta

di contenido, pa su falta di solucion, caminda a wordo mustra c’un Gobierno demisionario, no
por tin plan pa futuro, cuestionando asina e problema politico cu tin pa forma un Gobierno di
coalicion nobo.

Tin cierto aspecto di e discurso di Rey y mensahe di Gobierno Hulandes, cu ta hopi interesante
y cu caminda tin cu cuestiona e situacion diplomatico cu tin n’e momentonan aki entre Den Pa: Victor

Haag y Aruba. (Toko) Winklaar
“Voor ons ligt een jaar waarin we mogen hopen op een verdere terugkeer naar meer normale
verhoudingen. Daarmee onstaat ruimte om terug te kijken en vooriut te blikken.” Esaki ta mesun gobernantenan cu a

crea e instituto COHO, cu a pone Prome Minister di Aruba firma un acuerdo di e asina yama “Landenpakket” caminda
practicamente Den Haag a hinca Aruba. Corsou y Sint Maarten, den un tipo di prison financiero, ya cu tur florin cu wordo

gasta, mester ta un florin cu Den Haag ta aproba.

Awor e mesun Gobierno Hulandes ta papia di bay bek na relacionnan normal manera antes, pero e hendenan aki a malusa

un di e pandemianan mas fatal cu mundo a yega di conoce, pa impone nan poder, manipulando e tres islanan aki cu placa
p’asina impone nan pensamento, nan vision di loke nan ta kere cu mester pasa den maneho di e tres islanan aki. Con e

paisnan aki por “blik vooruit” si ta Hulanda ta determina kico e futuro financiero di e islanan aki tin cu bira, pero den
mesun rosea nan mes ta bisa cu Reino Hulandes a mustra den e crisis di corona, cu nos ta un famia, cu nos ta amigo di
otro, cu nos kier ta bisiña di otro.

“De Nederlandse economie staat er gelukkiing goed voor, zeker in vergelijking met andere landen,” cu sin duda ta algo
corecto, pero Gobierno Hulandes tin cu compronde cu den e paisnan cu ta hamas “andere landen”, tambe tin Corsou,

Sint Maarten y Aruba y den e mesun discurso aki ta haci mencion cu dor di e corona crisis, e situacion a bira dificil pa
Caribisch Koninkrijk.
“Omdat de eilandeneconomieen hard zijn eraakt door di enorme terugval in het toerisme” pero como madre patria a spera

e ora un otro actitud di Hulanda, mas comprension, cu mas solucion practico caminda tin cu crea un base solido prome cu
bay over na drecha cosnan cu un serie di medida cu no ta hustifica.

“Entre otro Gobierno Hulandes ta bisa cu “de koopkracht moet gemiddeld op peil blijven”, pero hunto cu Prome Minister
di Aruba a yega na palabracionnan cu awor ta wordo sostene p’e Gobierno nobo di MEP-RAIZ, cu mester ehecuta e
Landspakket den cual tin cantidad di medida cu lo mishi cu e poder di compra di henter pueblo.

Hasta p’esnan cu nan poder di compra ta pasando den un crisis formal dor di e corona virus, pero den e mensahe di Rey
Willem Alexander, no por a lesa ni scucha compasion pa cu e grupo grandi aki.

Aruba mescos cu Corsou y Sint Maarten ta para dilanti di un situacion dificil, hopi delicado, pero den e discurso di Rey y
mensahe di Gobierno, e crisis grandi aki a haya atencion pa “solamente” tres frase, sin ningun tipo di mensahe di speransa

cu por spera den futuro.
“In het Caribisch deel van ons Koninkrijk is het leven voor veel mensen door corona moeilijker geworden, omda de
eilandeconomieen hard zijn geraakt door di enorme terugval in toerisme.

Met de lande Curacao, Aruba en Sint Maarten zijn afspraken gemaakt om te bereiken dat financiele steun leidt tot een
economie die weerbaarder en schokbestendiger is.
In het gesprek daarover is het belangrijk steeds de eensgezindheid te zoeken. Dat maakt ons Konionkrijk als geheel

sterker.”

Cuater frase cu ta bolbe demostra cu Hulanda a dicidi caba cu nan lo haci loke cu nan kier cu Aruba y e otro islanan,
usando como arma un saco di placa den tempo di e pio crisis economico cu e islanan aki a yega di conoce.