Page 29 - AHATA

A8 REINO
Diamars 10 Juli 2018

‘Bommelding’ na Eindhoven Airport alarma falso

EINDHOVEN - Ayera
nochi a en contra un
asina yama ‘schriftelijke
bommelding’ den un
avion na Eindhoven
Airport. Tur pasaheronan
mester a baha for di e
avion di Ryan Air.
Esaki a keda confirma pa
e vocero di Koninklijke
Marechaussee na e matutino
Hulandes De Telegraaf.
E avion, vuelo FR1108 lo
mester a sali pa Edinburgh,
Escocia y tabata cla pa lanta
vuelo.
Pa via di e sucede aki otro
avionnan no por a lanta nan
vuelo y a keda tera pa mas
di un ora. Segun e informe
tabata tin por lo menos 400
pasahero na aeropuerto pa
embarca nan vuelo.
Cachonan cu a haci un
buskeda profundo, pero no a
en contra nada.

Piscadonan ta keda coy calco for di lama

Calco mas di 30 aña prohibi na Bonaire

KRALENDIJK - Calco te ainda ta un delicatesse na Bonaire. E prueba ainda ta bisto
na Lac, unda e conchanan ta testigo di cuanto calco Bonerianonan tabata come.
Lastimamente te ainda piscadonan ta saca calco for di lama. Locual cu nan ta saca for di e
awanan ta baby calco cu no a yega na e edad ainda pa reproduci. Ta dura entre 4 pa 5 aña pa un
calco madura y ta pone webo.
Si e piscadonan ta keda saca e calconan for di awa, lo no tin ningun calconan mas den awanan
di Bonaire den futuro. P’esey e fundacion Stinapa ta bolbe bisa cu ta prohibi pa coy calco for
di lama.
Potret ta cortesia di Stinapa.