Page 34 - JUS

Ta di lamenta cu un persona por ta contra pa haci un donation na un fundacion cu
berdaderamente tin mester di e ayudo financiero for di comunidad.

Partido MAS a haci un donation na Funari hustamente p’e motibonan aki.

Segun Holmo Henriquez Jr. t’asina cu Partido MAS a atende un evento na Biblioteca
Nacional di Fundacion Donny Lacle unda cu Funari tambe tabata presente.

N’e momento ey a haci uso di e ocasion pa respetuosamente entrega un donacion na
Funari, sin interumpi e evento andando.

Na ningun momento a haci esaki cu mal intencion. Banda di esaki partido MAS a
contribui no solamente cu Funari, pero tambe cu Fundacion Donny Lacle di sra. Mayra
de Graaf, cual si sra. de Graaf no ta menciona. Pakico no?

Pakico kier perhudica Funari pa ricibi un donacion? Sra. Mayra de Graaf ta menciona cu
Partido MAS a haci politica den su evento, pero Partido MAS tambe a haci donacion na
su grupo di cual si na ningun momento el a menciona y tampoco a bay encontra.

Esaki ta algo sin duda algun pa cuestiona e ora e etica y intencion di sra. Mayra de Graaf.

Segun Holmo Henriquez Jr., banda di esaki partido MAS a hiba combersacionnan na
algun ocasion caba cu e sra. de Graaf y a bisa cu fotonan cu ta compromete e grupo di
sra. de Graaf lo keda usa interno solamente y Partido MAS a cumpli.

E foto cu a keda publica ta uno discreto cu solamente representantenan di Funari riba e
potret y di cual niun hende por decifra na unda precies of na ki ocasion esaki a wordo
haci, te ora cu sra. de Graaf mes a divulga esaki.

Banda di esaki ta profundamente di lamenta cu sra. Mayra de Graaf a informa via un
yamada telefonico cu lo tin intencion di caba cu fundacion Funari y partido MAS. Awor
Partido MAS ta puntra con un persona cu ta bisa di ta traha pa comunidad, lo por kier
algo malo pa un fundacion asina respeta manera Funari?

Partido MAS ta lamenta e sucedido y ta spera di por a aclarea e situacion.