Page 36 - JUS

deteriora. Mirando cu e costo di bida a aumenta drasticamente, mientras cu e salario den
averahe a keda igual, e structura familiar a conoce cambionan grandi.
Mientras cu den pasado un mayor por a keda cas cu e muchanan pa fungi como guia y
sosten, awor hopi famia no por disfruta di e luho aki mas.

Cu tur dos mayornan trahando, hopi biaha e yiu lo mester siña e responsabilidad y
madurez na un edad mucho jong p’asina e por cuida su mes. Cu e extra presion y
expectativa poni riba e mucha, ta bira dificil p’e por continua cu su desaroyo psicologico
y emocional.

Muchanan cu ta biba den situacionnan asina por bira vulnerabel pa adopta comportacion
negativo y arte por fungi como un forma pa saca e tension aki, mientras ta crea algo
special.

Arte como e idioma di mucha y hoben
Muchanan cu ta pasando den dificultad no tur ora ta posee e capacidad pa expresa nan
mes verbalmente. No lo ta facil pa un mucha expresa cu palabra cu e no ta sinti’e bon, ni
tampoco lo e ta dispuesto pa bisa directamente cu un persona a caus’e dolor.
Arte ta habri un linea di conversacion cu solamente dor di haci pregunta, bo no lo logra.

Arte no ta solamente un forma di expresion, pero por fungi como e canal pa por yega na
haci un topico cu normalmente ta dificil, pa uno mas acesibel y confortabel pa un mucha.

Dor di crea e espacio aki pa por expresa nan mes, e mucha lo sinti alivio y trankilidad.

Pa percura p’e bienestar di nos mucha y hobennan den futuro, mester crea un plataforma
di arte den nos scolnan, na tra’i merdia y den nos barionan.

“Como candidato hoben riba lista di MEP, lo mi para tras di e tantisimo beneficionan cu
arte por tin pa nos comunidad. Lo mi percura pa semper sostene proyectonan artistico y
presenta diferente plan realistico cu por haci’e acesibel pa mas mucha y hoben por
desaroya nan talentonan artistico”, segun Amy Richards.