Page 37 - JUS

http://awemainta.com/amy-richards-di-partido-mep-ta-ora-pa-reconoce-e-berdadero-balor-di-arte-
riba-nos-isla/

Mireille Sint Jago Di MEP: Cambio Ta Cuminsa Cu Un

Pensamento Diferente

 Politica
- 22/06/2017

Pa trece un cambio, mester actua diferente. Pa actua diferente, mester pensa diferente.

Pa pensa diferente mester di informacion prome cu nos por forma un opinion y vision.

Eynan e rabo ta krul. Con acesibel informacion ta na Aruba?

Akinan e hecho cu nos ta uza cuater idioma ta hunga un rol grandi. Antes Bijbel tabata na
Latijn y e cristiannan no tawata por (ni permiti) pa les’e. Awe nos ta wak cu idioma por
pre-selecta ken ta ricibi cierto informacion. Na nos scolnan esaki tambe ta sosode.
Muchanan cu domina e idioma di instruccion bon, tin mas chens pa ta exitoso den nos
sistema di enseñansa, segun Sint Jago.

Aki mi ta corda rib’e autor Mericano: Hyrum W. Smith cu a bisa: “You can’t think any
deeper than your vocabulary will allow you to.” Awor mi pregunta ta: E idioma di
instruccion na scol ta yuda nos como un pueblo pa por pensa mas profundo y critico? Nos
yiunan y nos mes tin un vocabulario den cualkier idioma pa por defende nos mes? Pa nos
por pensa mas profundo y pa vocifera nos propio opinion y ta autocritico, bo mester di
por lo menos un vocabulario amplio di mas o menos 20.000 palabra na Hulandes, di cual
40% di e studiantenan na Hulanda mes no ta logra e nivel ey, Sint Jago ta splica.