Page 40 - EXTRA09APRIL,2016

40 Djasabra 9 Aprel 2016

Kontinuashon di pagina 38 aviso@extra.cw
FUNDASHON DIOS

den kaya Otto Senior ku
ta trata pashèntnan ku ta
adikto sikiátriko, ta serka
nos nan ta bin i nos no por
yuda nan”,asina un trahadó
di e fundashon ku tei for di
promé ora a bisa EXTRA.

Aktualmente tin dos
adikto man kibrá, otronan
ku ta bira víktima di
agresornan hóben òf di
hendenan ku ta konsiderá
nan ‘rechasadonan’ i ta bati
nan. Ingrid Catal, un di e
adiktonan mas konosí na
Kòrsou no a bai dilanti ni bin
patras. Su kas permanente
banda di viadukto pegá ku
Banko Sentral ta e bista real
di adiktonan. Kruseronan
ta bin i ora turistanan yega
den e área ei, nan ta haña
e kontraste di un Banko
Sentral luhoso ku fòntein
di awa masha bunita
ku seguridat na salida i
entrada, i na otro banda di
kaya Ingrid Catal ku NO ke
bai for di e área.

Si e fundashon sera
5:00 adiktonan ta bai na
otro opshonnan pa haña
kaminda di drumi manera
kibra drenta den kasnan
bashí. 20 aña pasá ‘Dios
Yudami’ tabatin 28 kama
i tabatin lista di espera pa
tuma adiktonan. Defuntu
Chia, a konta EXTRA den
pasado kon duru e trabou di
atendé ku adiktonan ta. El a
bisa ku ta un don di Dios, bo
mester tin pa hasié.

FMA por a kordiná
trabounan grandi di forma
e adiktonan duna nan
kurso pa nan siña skibi i
hasta a kordiná trabou pa
nan hasi. E sentro pa yuda
adiktonan tabata drai 24
ora pa dia i tur hende a
mira e diferensha. Awe tur
kos a kaba na aros i koko.
Trahadónan di e fundashon
ta traha bou di strès, tin
hopi anunsio di malesa i
tin trahadónan ku a malu.
GGD ta hasi kòntròlnan i e
trahadónan di Dios Yudami
no tin bos. EXTRA a bai bèk
pa wak kiko tabata bon 20
aña pasa ku progreso i awe
kuido di adiktonan ta bek na
e rais di pena i amargura ku
el a kuminsá.