Page 4 - MIN SJA 13 APRIL 2016
P. 4
Minister Paul Croes Feria Social 2.0 ta stimula boluntarismo
bou di hubentud
Tuesday, 12 April 2016 16:11
Comparti
Despues di scucha varios fundacion social, Minister Paul Croes a conclui cu e necesidad ta grandi pa
stimula hobennan pa haci trabou boluntario. Feria Social 2.0 tin esaki como un di e meta. Na 2015
finalmente mas di 80 hoben a participa na e Feria Social.
Un programa unda hobennan pa 4 luna lo haci un stage na fundacionnan cu meta social. E aña aki nos ta
papiando di 18 fundacion cu ta participando. "Cada youth coach e aña aki tin un tarea special di busca
hobennan pa participa na e Feria Social 2.0. Asina nos ta stimula hobennan pa den un forma proactivo
haci trabounan boluntario. Banda di esaki e hobennan ta conoce e sector social mas di cerca", Minister
Paul Croes a mustra. Segun e estudio hasi pa universidad di Aruba riba Norma y Balornan di nos
hobenan, e tipo di programa nan aki ta yuda mantene nos hobennan bon bezig. Mester stimula mas
proyecto asina. "Hopi bes nos ta scucha e comentario cu no tin cosnan positivo pa nos hobenan hasi. Wel
esaki sigur ta cumpli cu e meta pa nos hubentud", Minister Paul Croes a indica. Minister Paul Croes a
gradici tur e partner nan cu ta yudando den organisacion di e Feria Social 2.0. un di e partnernan sigur ta
CEDE Aruba cu ta yuda carga y organisa Feria Social 2.0 e aña aki.
http://www.24ora.com/politica-mainmenu-18/107463-minister-paul-croes-feria-social-20-ta-stimula-
boluntarismo-bou-di-hubentud
