Page 7 - MIN SJA 13 APRIL 2016

Tatanan buscando husticia E ta yegando na un punto unda e
sistema no ta na bienestar di e muchanan

Tuesday, 12 April 2016 08:39
Comparti

Mayornan preocupa buscando husticia a tene un conferencia di prensa. Tres tata a sali afo pa asina trece
nan preocupacion dilanti riba e forma cu husticia ta funcionando na Aruba. Raul Solognier ta un di e
mayornan cu a hiba palabra. El a splica cu el a bin cu un solo proposito y ta bienestar di su yiunan.

Ta hopi hende ta comentando riba cierto cosnan cu ta pasando. E tin tres yiu. E tin un lucha hibando na
diferente instancia y den corte. E ta yegando na un punto unda e sistema no ta na bienestar di e
muchanan. E ta bibando esaki den carne propio. E yiunan ta bibando cune segun Raul Solognier. E
abuso a cuminsa tuma lugar cu tabata contra su control. Ora e yiunan a caba di Conte kiko a pasa el a
core bay warda di Polis. Nan a pidie bay entrega un keho na Kinder en Zeden locual el a haci. El a haci
mas cu un keho y uno tabata relaciona cu abuso sexual. E ta casa di nobo y tin un señora Mericano y
mester bay Merca. E no por laga su yiunan su so aki na Aruba. Keho a wordo entrega y seis luna despues
nos ta aki y su yiunan no a wordo scucha pa e departamento concerni. E mes ta biba na un isla feliz pero
en real e no ta un happy island. Ora material ta un prioridad na un pais bo ta fout bezig. E no kier bay
masha den detaye. E no kier a bay den publicidad pa causa daño na su yiunan. Kier protege e muchanan
tambe segun Raul Solognier. Ora algo ta preto e ta preto y mester yame preto. Raul Solognier a splica cu
un bailamento sunu no por wordo yama un incidente. Den transcurso di aña e mes a yora hopi y no kier
yora mas. Siman cu a pasa tin hende a tende di conferencia di prensa unda e lo tey y ya caba a tende
voogdijraad y ministerio publico kier a sinta cune. E abusonan y negligencia ta diferente. El a pasa na
Buro Sostenemi, JZP y Voogdijraad pero e no sa mas unda pa bay. Si no traha riba e parti di preveni, y
traha y para pa cierto cos bo ta complice. Durante un tour diahuebs el a papia cu un turista y e turista cu
ta duna les a capta algo di un mucha na scol y child protection den un ora cu yega y proteha e mucha. E
mester tey pa su yiunan. Raul Solognier a haci un suplica na gobernantenan di e pais aki pa haci
cambionan. Nos ta orguyoso di hopi cos y e kier pa nos ta orguyoso di nos yiunan tambe. Aruba ta firma e
derecho di mucha cu Nacionnan Uni y hopi cos nos no ta cumpli cune. Ta hopi cos ta entrega keho riba
dje. Si bo ta stima bo yiu no por sinta warda. Tin hende eyfo cu a causa daño na su yiunan. Si e tuma ley
den su man e lo ta sera awe. Raul Solognier a splica cu el a pasa na e departamento huridico pa busca e
leynan. E leynan tey pero no ta wordo aplica. Den derecho di mucha ta poni cu e mucha tin derecho pa
wordo scucha. Si seis luna a pasa y keho a wordo entrega y ningun yamada a drenta, segun Raul
Solognier si no ta worry e ta pone cu despues di e prome keho ta cosnan mas serio a sosode cu su yiunan.
El a yama tur instancia caba. E partner di su ex ta e persona cu e muchanan ta keha di dje. Loke a pasa
caba ta traumatiza pa su yiunan. Su caso ta un caso mas cu tin segun Raul Solognier. Ainda e
muchanan ta obliga di bay na e cas cerca nan mama caminda e sospechoso ta segun Raul Solognier. E no
kier culpa ningun hende pero kier pa husticia haci su trabou pa su yiunan keda protehi. E tin mas
ehempel cu el a duna riba e abusonan cu ta afecta su yiunan. El a bay voogdijraad splicanan riba e peliger
cu tin unda su yiunan ta core den un auto insigur entre otro faha di seguridad. El a yega di expresa su
mes caba den direccion di e homber cu e ta sospecha di inmoralidad contra su yiu. Autoridad ta kere
mas e mama den e caso aki y e situacion peligroso ta keda existi pasu yiunan segun Raul Solognier.