Page 70 - ARUBA BANK

Rocco Tjon: Minister Raymond Knops Satisfecho Cu

Maneho Di Sra. Evelyn Wever-Croes

 Politica
- 14/01/2020

Finanza publico, Venezuela y relacionnan den Reino ta algun di e topiconan cu Minister
Raymond Knops y Minister President sra. mr. Evelyn Wever-Croes a toca durante nan
reunion. Pero loke a resalta ta cu e Minister Hulandes a bisa durante su conferencia di
prensa cu e ta contento cu e colaboracion cu Gabinete Wever-Croes y cu e maneho di sra.
Evelyn Wever-Croes ta positivo.

REACION SR. KNOPS
Sr. Raymond Knops a duna di conoce cu e ta satisfecho cu e relacion di trabou entre
Hulanda y Aruba y tambe cu Gabinete Wever-Croes ta atende cu puntonan di mehoracion
na un manera responsabel. Na mes momento sr. Knops a bisa tambe cu e palabracionnan
haci na november 2018 cu Hulanda ta wordo logra.

E maneho di e ultimo 2 añanan ta wordo caracterisa como positivo pa sr. Knops y e ta
mira cu tin pasonan significante a wordo poni pa yega na finanza duradero y solido. Y pa
loke ta nos economia sr. Knops ta wak cu esaki ta bayendo bon.

MANEHO GABINETE WEVER-CROES