Page 71 - ARUBA BANK
P. 71
Pa fraccion di MEP e reaccion positivo di Raymond Knops no a bin como sorpresa. Na
diferente momento nos a trece padilanti con e maneho di sra. Evelyn Wever-Croes ta
percura pa saca nos como pais for di e situacion penoso cu Mike Eman a hinca nos aden.
Na 2019 pa di dos biaha e liderazgo di nos Prome Minister Evelyn Wever-Croes a
conduci n’e hecho cu pais Aruba a conoce un presupeusto supletorio “saldo neutral’.
Caminda Mike Eman tabata traha presupuestonan ficticio y na fin di aña mester a pidi
444 miyon florin extra, na 2019 e liderazgo di Evelyn Wever-Croes a conduci cu nos
conoce presupuestonan realistico y cu no mester di fondo adicional na fin di aña, segun
Rocco Tjon.
PA CONCLUI
Presupuesto 2020 lo conoce un surplus. Esaki ta marca un era nobo, un era di finanza
saludabel y un era di bon gobernacion. Liderazgo di nos Prome Minister lo conduci na
finanza saludabel, un economia cu ta crece (segun Banco Central), rebaho di nos
desempleo (segun raport di Departamento di Labor) y un turismo cu lo sigui crece na
2020 cu 2.8%. Y ta esaki t’e pasonan significante cu sr. Raymond Knops tabata referi na
dje, segun Rocco Tjon.
