Page 3 - AVP AUG 7 2021

2 DIASABRA, 7 AUGUSTUS 2021 AWEMainta.com

Discusion cu placa di pueblo na Arubahuis

Si yiu di Besaril ta bula first

class yiunan di Paris tambe

tin cu bula first class

NO ta nan placa, no ta for di nan salario e gastonan aki ta sali,
pero ta mesun Gobierno demisionario cu ta implora tur hende
pa haci sacrificio ya cu e situacion financiero no ta duna pa

mucho, miembronan di e gabinete aki ta sigui djo djo na grandi.
Anto no ta asunto di aki na Aruba leu for di Hulanda, pero aya

na Den Haag lo tin un tipo di confrontracion entre e Minister
Plenipotenciario demisionario Guilfred Besaril y e funcionario
representando Aruba na Brusellas, esta Eddy Paris pa loke ta

cubrimento di gasto di biahamento di miembronan di famia.

AWEMainta a wordo informa ayera merdia cu ta intencion di

Besaril p’e bula bay bek Hulanda dia 24 di Augustus benidero
caminda e lo biaha hunto cu su yiu bek pa Den Haag y e lo a
boek pasashi pa su persona den business class, no solamente

pa su persona, pero tambe pa su yiu cu ta biaha cune.
Segun e informante ora cu funcionario Eddy Paris a tende di

esaki, tambe a bin dilanti y a pidi pa regla pa su yiunan cu
a bin pasa vacacion na Aruba, bula bay bek tambe den busi-
ness class y tur esaki por ya cu no ta Besaril y Paris ta paga e

pasashinan aki for di nan saco, pero ta for di caha di placa di
pueblo esakinan ta wordo paga.

Ta increibel pa mira con un Gobierno cu sa baha salario di fun-
cionarionan publico, di Parlamentarionan y di nan mes, ta per-

miti e tipo di luhonan aki tuma lugar ya cu e ta un gastamento
di placa sin misericordia.

Anto e ta mas tristo ora cu tin centares di mucha cu no tin paña
nobo pa bay scol, cu no tin placa pa cumpra loke nan tin mester,
otronan cu no tin awa no coriente na cas pa motibo cu no tin

placa pa paga recibo, anto dos funcionario di Gabinete Wever
Croes ta gastando placa riba e tipo di cosnan aki.

E ta un abuso di marca mayor y no solamente esey, pero e in-
forme cu a bin for di Hulanda, ta mustra cu Eddy Paris a dicidi

di pone su famia den e “ambtswoning” cu Guilfred Besaril a
bandona y bay huur otro cas y asina e estadia di e famia aki lo

ta riba cuenta di pueblo.