Page 4 - AVP AUG 7 2021

AWEMainta.com DIASABRA, 7 AUGUSTUS 2021 3

Parlamentario Benny Sevinger

‘Evelyn no sera wowo ora

di drumi ya cu nan lo bin pabo’

UN grupo di simpatisantenan, famia- y amigonan, cole-
ganan di partido y awor coleganan di Parlamento, a sa-
luda Benny Sevinger, algun minuut despues cu el a presta

huramento como miembro di Parlamento di Aruba na Cas
Ceremonial di Gobernador.

Un acto cu mester a tuma lugar for di dia 7 di juli ultimo
den Parlamento, pero cu Gobernador Alfonso Boekhoudt a
wanta te ora cu Benny Sevinger lo sali liber di su detencion

den e proceso di investigacion cu tabata tumando lugar.

Na su salida cu supervision di un grupo di Polis pa man-
tene orden dilanti Cas Ceremonial di Gobernador, e fla-
mante Parlamentario a dirigi su mes na prensa cu a bin

pa cubri e acta aki y a mustra bon cla, cu e ta sumamente
agredecido na Dios, na su famia tan stima, pa tur hende cu
a sostene den e lucha contra inhusticia aki, caminda politi-

conan rival a inicia cu e caminda di Calvario aki, buscando
argumento politico pa saca probecho politico.
Benny Sevinger a mustra cu el a wordo deteni den pleno

campaña electoral pero nunca el a duda den loke ta stima-
cion di su pueblo, di su famia y amigonan y ta cu danki n’e

sosten unico y grandi aki, cu su persona a huramenta un
rato prome dor di Gobernador.

“Den bida no ta bon, sigur ora cu bo ta kere den Dios, pa
biba cu vengansa den bo curason y tampoco ta bon pa nin-

gun hende subi cama pa drumi, cu vengansa den su cu-
rason.
Sinembargo mi tin un mensahe pa Prome Minister demis-

ionario Evelyn Wever Croes, esey ta cu ora su persona bay
pa drumi, no sera wowo, ya cu Evelyn nan lo bin pabo tam-
be,” Parlamentario Benny Sevinger a declara.

Inicialmente a informa e Parlamentario cu e por drenta
cu solamente dos otro persona, tog Gobernador a permiti
entrada na tres persona mas, cu ta su señora esposa, su

yiu muher y su yiu homber pa mira nan esposo y tata hura-
menta riba e dia grandi aki.

Para pafo sperando riba su salida por a mira lider di par-
tido y di fraccion di AVP Mike Eman, Parlamentario Mike

de Meza, miembro di AVP, Wendrick Cicilia y varios figura
prominente di e partido cu a bin compaña e Parlamentario

p’e ocasion special aki.