Page 16 - AWEMAINTA

16 AWEMainta Diamars, 15 Mei 2018

Fundacion Rancho ta celebra dia internacional di museo 2018

DIA 18 di mei ta dia internacional di museo.
Den cuadra di “Museum Week” fundacion
Rancho lo ta organisando 2 actividad pa publico
Ta cuminsa diabierna 18 di mei cu un charla
convocatorio unda lo pasa riba diferente
temanan, manera e famoso forno di kalki,
hanchinan den Rancho y sin lubida e tanki
di awa den Rancho. Esaki lo tuma luga den e
fruteria na National Archaeological Museum
Aruba. Orario 18.00PM pa 20.30PM
Adres: Schelpstraat 42,Oranjestad.
Diasabra 19 di mei lo tin un Rancho Walking
Tour di medio 2 ora! Salida John.G. Emanstraat
9, cuminsando 9.00AM te 11AM, pa e prijs
special di 10,- florin, pa persona. Nos ta invita
henter Aruba
pa celebra dia internacional di museo, participa
den nos actividadnan y no lubida di bishita tur
nos museonan na Aruba.
Pa mas informacion: info@stichtingrancho.org

Elsino Ramos a cumpli 10 aña trahando na Post Aruba N.V.

Post Aruba N.V. a celebra 10 aña di servicio di Elsino
Ramos den compania di famia y coleganan.
Elsino a cuminsa cu Post Aruba riba 5 di mei 2008
y ta eherce e funcion di besteller.
Elsino ta un trahador hopi trankilo, e tin hopi
disciplina y e ta stima su trabou cual e ta haci cu
pasion y seriedad.
Semper e ta dispuesto pa coopera cu tur trabou cu
nan pidie. Su hefenan no tin nada di keha di dje
y nan ta premira cu e por tin un bon futuro den e
compania.
Post Aruba N.V. ta gradici Elsino pa su 10 aña di
servicio y ta desee hopi exito den futuro.

Pa mas informacion riba servicionan di Post Aruba
N.V., bishita e website www.postaruba.com of check
nan paginanan riba Facebook, cu ta Post Aruba NV
y Aruba Stamps.