Page 14 - AWEMAINTA

14 AWEMainta Diamars, 15 Mei 2018

Chauffeur a bolter na algún shen meter di su cas

DIADOMINGO anochi pa mas o menos 8:40
informacion ta drenta cu un auto a bolter, altura
di Bushiri Karting.
Unidadnan di Rescate di Brandweer tambe
tabata na caminda, pa motibo cu a wordo
informa cu e chauffeur su pianan lo ta pega. E
accidente a tuma lugar parti panort di e pista di
Karting.
Loke nos a compronde n’e sitio ta cu, e Hyundai
Getz color shinishi biniendo di pariba a bay na
su man drechi. Esaki por a mire claramente riba
e caminda di tera. Na su man drechi e ta dal
contra cura di un compania, kibrando esaki.

Despues e auto a dal contra un pilar di beton
chikito, cu a pone bolter. Personal di Rescate
di Bombero a corta un banda di porta, y el a
wordo saca. Paramediconan a tume over e
momento ey. Segun nos a compronde e chauffeur
posiblemente lo por tabata bayendo su cas.
Debi cu e ta biba no mucho leu di unda el a
accidenta, esta Schotlandstraat cu ta na final di
e caminda ey.
E victima a wordo transporta pa hospital y Polis
di Trafico a pidi pa takelwagen, cu a hiba e
Hyundai Getz warda di Balashi.