Page 18 - AWEM

18 AWEMainta Diahuebs, 12 November 2015

Fundacion
CineAruba cu
tayernan
‘Shoot 2 Capture’

Ricibi entrenamento ‘hands-on’ uzando
camera DSLR y ekiponan di zonido
profesional

RECIENTE Fundacion CineAruba su pelicula cortico titula ‘Alto Vista’ a

gana premio unda hurado n’e festival di cine local. Esaki t’e di 4 produccion
original di e fundacion cu ta gana premio na un festival di cine, sumando
na un total di 6 premio p’e categoria di mihor pelicula.

E team tras di e ultimo produccion cinematografico a uni un biaha mas pa
crea ‘Shoot 2 Capture’ un programa educativo cu ta consisti di diferente
tayer. E programa ta posibel danki n’e apoyo di Cede Aruba, Fonds voor
Cultuurparticipatie y Prins Bernhard Cultuurfonds Caribisch Gebied.
“Na CineAruba nos ta di pensamento cu bo ta siña dor di haci.” Durante 2
siman e participantenan lo ricibi tayernan ‘hands-on’ unda cu nan por siña
e tecnicanan di DSLR Camera, Zonido di produccion y Actuacion.

Durante e tayer DSLR Camera e paticipantenan lo ricibi entrenamento
‘hands-on’ uzando propio camera y cameranan profesional DSLR
desaroyando e participante su hablidad pa captura video na un calidad halto.
E tayer ta inclui lesnan tocante e ahustacion adecuado di camera pa por logra
un cierto ‘look’ uzando ISO, diafragma, sluitertijd y seleccion di lensnan.
Tambe e tayer lo enfoca riba e metodonan di grabacion y tecnicanan di
iluminacion.

E tayer di Zonido di produccion lo trata e tecnicanan di grabacion di zonido
directo y composicion musical pa pelicula y video.
Durante e practicanan ‘hands-on’ e participantenan lo siña e metodonan pa
captura zonido riba un set of na un locacion uzando ekiponan profesional
di grabacion. Tambe e participantenan lo siña e dinamica entre zonido cu
imagen y e rol di zonido den un storia.

E tayernan di ‘Shoot to Capture’ ta conecta cu e proyecto di Ciudad Oraño
cu lo fungi como un plataforma pa brinda e hobennan e oportunidad pa
desaroya y ‘showcase’ nan talento. Registracion p’e tayer di actuacion ta
completo. Registracion p’e tayernan di DSLR Camera y Zonido di produccion
ta habri ainda te cu 23 di november.
E tayernan lo inicia 23 di november cu un duracion di 10 dia. E orario
ta di 6 pa 8’or di anochi. Pa mas informacion y pa registra bishita www.
cinearuba.com