Page 23 - AWEM OCT 1

AWEMainta Diahuebs, 1 October 2015 23

Aruba vs Corsou den varios
wega hubenil na RCA Arena

FIN di siman benidero un bes mas e organisacion tricolor tin un evento grandi di futbol ora e

popular ekipo di Corsou, Skerpene bishita Aruba pa algun encuentro internacional. Ultimo biaha
cu Skerpene a bishita Solito, e competencia tabata masha fuerte y resultado hopi pareu. E biaha aki
RCA ta invita mas ekipo na Aruba pa nan tambe por competi contra e gran organisacion di Corsou.
Diabierna atardi pa 6:30 “straight outta Dakota” e Abejanan Division Menor lo topa cu Skerpene
U16. Pa 8or di anochi ta ekipo di cas e campeon “Miami Cup 2015” RCA “Aruba Bank” lo midi forsa
cu Skerpene U14. Manera tur diabierna e ambiente di happy hour lo tey y cu special. Diasabra lo
ta un Festival di Futbol den Arena ya cu lo tin 4 partido. Pa 4:30 RCA lo topa cu Skerpene U12, sigi
pa “Orange Power” Naranhadanan di St Cruz Estrella vs Skerpene U14, di tres partido lo ta RCA
“Insel Air” vs Skerpene U16 y anochi lo sera pa 8or cu e gran encuentro RCA “Welcome Back Snack”
e hubenil campeon di Aruba vs Skerpene U20. Bini uno bin tur bin apoya nos futbolistanan local
enfrentando Skerpene di Corsou.