Page 73 - MIN ECEM

Wyatt-Ras tambe ta menciona di e reunion publico pendiente cu ya a ser yama pero cu a ser
geschorst. Aki lo a trata tres concepto di ley cu ya a cana nan trayectoria den Parlamento. Esakinan ta
e e ley di catochi of e asina yama landsverordening houdende regels met betrekking tot het toezicht

op de aanbieding en exploitatie van kansspelen en tot instelling in dit kader van een toezichthoudend
orgaan, kansspelautoriteit genaamd (toezicht kansspelen), e ley e labor di deurwaarder
(deurwaardersverordening) y e ley cu ta reglamenta personal di ensenjanza, e asina yama

landsverordening functiehuis onderwijspersoneel. E reunion publico pa trata e leynan aki a ser yama
dia 28 ndi september ultimo sin embargo el a ser geschorst. Respecto e reunion aki presidente a ricibi
un carta di sr. Bikker y di Lopez-Tromp insinuando cu no por yama gobierno pa reunion den e fase

aki. Wyatt-Ras ta di opinion cu tanten e reunionnan no ta trata issuenan nobo ni conflictivo e por
yama reunion. En bista cu Wyatt-Ras semper ta traha segun ley el a dicidi di manda pidi conseho di e

organo Legislativo tocante e carta aki. Ta sperando ariba esaki.

Ainda falta e ley cu ta reglamenta orthografia di Papiamento cu ta cla pa ser trata den reunion
publico.

Wyatt-Ras ta informa cu durante su presidencia el a purba trata tur ley cu drenta de inmediato y a

logra esaki pa un cantidad di leynan.

Ta keda algun ley ainda cu mester trata, manera esun di ombudsman cu ta den espera di e contesta di
gobierno pa loke ta cambionan necesario den nos Constitucion pa e ombudsman por funciona manera

mester ta. Tambe ta den proceso e ley di iniciativa pa loke ta trata cambio di e ley electoral pa e
orden di candidatonan. En bista di Raad van Advies, Staten a pidi conseho di gobierno, Ser y
Conseho Electoral ariba e ley. Staten ta en espera di gobierno paso Ser a contesta y esaki mester ser
manda via gobierno pa Parlamento.

Ultimo aki a drenta ley cu Parlamento tabata den espera di dje, cual ta e cambio di nos Codigo Civil,
introduccion di Buki 2, encuanto rechtspersonenrecht (Landsverordening invoering Boek 2 inzake

het rechtspersonenrecht). Wyatt-Ras ta indica cu den temporada cu e tabata Presidente el a trata e
asina yama Ingekomen Stukken un biaha pa luna y lo cumpli cu esaki promer cu dia 26 di e luna aki.
Aki e diferente documentonan cu drenta Parlamento ta ser repasa y por indica con a/lo kier trata e
documentonan. Dia 26 lo tin un reunion publico pa trata credencialnan di esnan cu lo bira

Parlamentario, pa diabierna dia 27 di oktober bai over na huramentacion dor di gobernador. E siman
siguiente lo por bai over na escohe e presidente y vice-presidente di Parlamento.