Page 22 - MIN SOC

Falta di personal na Imeldahofpa asina draai e weekend manera
mester ta
Wednesday, 16 March 2016 16:26

Comparti

Tin biaha hasta ta tende preocupacion afo cu no tin suficiente hende pa wak pa e muchanan. Segun
directora di Imeldahof, Natalia Hernandez, en berdad Imeldahof a cuminsa durante 2010 habri fin di
siman y esey ta cu Imeldahof a haya mas trahado pa por traha y draai fin di siman.

Pero naarmate cu e proyecto a sigui y despues no a sigui mas cu tur e trahadonan pa loke ta weekend.
Esaki awor aki, mirando cu trahadornan ta trahando durante weekend, ta haya gap di un hende y durante
e añanan tambe, tabata tin hende cu no ta trahando mas na Kinderhuis Imeldahof. Tin cu bisa en berdad,
tin un trabao cu ta hopi responsabel pa motibo cu ta haya muchanan cu ta bin cu un problema di cas y pa
e instituto ta importante pa brinda e siguridad na e muchanan. E extra bista riba e muchanan aki. Pa
ultimo añanan, por bisa cu ta trahando cu un hende riba grupo. Tin grupo di 10 mucha cu ta e grupo di
mas grandi. Otro ta di 4 mucha, tin di 7 mucha y e otro grupo ta 7 tambe. E ta hiba cu ta keda toch den
necesidad di mas lider. Ta bezig cu esaki awor aki hunto pa bay papia cu minister encuanto di esaki. Nos
muchanan ta muchanan cu comportacion problematico. Muchanan cu tin problema cu attachment. Esey
ta nifica cu mester por tin e bista y e guia principal pa e muchanan aki. Segun Hernandez, nan wachtlijst
ta minimal, pero ta bisa cu un lider riba 10 mucha no ta facil pasobra por bisa cu na creche ta haya cu por
tin 1 lider cu 5 of 6 mucha, pero mirando e antecedente di e muchanan, ta dificil pa traha cu un hende so
riba grupo.

Imeldahof a papia aña pasa op ambtelijk niveau pa e trahadonan cu tin necesidad di dje y ta bezig awor
aki pa bay acerca minister pa wak con por logra toch, mirando cu ta cu muchanan ta traha cune, di cual cu
mester por brinda nan e bon guia, mirando cu ta duna acogida temporalmente na e muchanan aki y nan
mester por bay bek den comunidad y pa Imeldahof e ta importante cu nan tambe merece di haya e guia, e
amor y e proteccion pa nan por bira un hende cu por bay bek den comunidad, cu por bira lidernan mañan
tambe. Boluntario en berdad ta traha cu nan. Nan ta yuda cu huiswerkbegeleiding, actividad, tin
leesmoeder cu ta yudando, pero nan no ta e trahadonan cu tin mester. Boluntarionan por yuda cu cierto
tareanan, pero traha cu e muchanan mester tin trahadonan cu ta cualifica y cu tin un MBO diploma cu por
traha cu Imeldahof.