Page 19 - AM211014
P. 19
19 AWEMainta .com Diahuebs, 14 October 2021
CORSOU
Kaso di tiramentu ku morto
WILLEMSTAD – Manera nos a publica ayera caba, djamars 12 di òktober 2021 alrededor di 09.51or,
Sentral di Polis a haña informashon di un habitante ku el a tende zonido i dalmentu di porta di outo
den e área di Tera Kòrá i a nota ku tin un vehíkulo para mei mei di kaminda.
Mesora a dirigí unidat polisial n’e sitio kaminda nan a haña un SUV ku un persona di sekso maskulino
aden i e tabatin herida di bala.
Personal di ambulans ku a presentá n’e sitio no por a hasi nada mas p’e víktima i alrededor di 11.40or
dòkter di Polis a konstatá morto di e hòmber Ramon E. Melendez Requena, nasé na Kòrsou, 21
yanüari 1992 (29 aña).
Riba òrdu di Fiskal di Ministerio Públiko a konfiská e kurpa sin bida. Investigashon den e kaso aki ta
kontinuá.
Entrada hudisial ku konfiskashon
WILLEMSTAD - Relashoná ku e kaso di tiramentu ku morto ku a tuma lugar ayera mainta den área
di Tera Kòra, e tim ku ta investigá kasonan di homisidio huntu ku un tim investigativo di Divishon
Krímen Organisá a tene un entrada hudisial.
Djamars 12 di òktober 2021, entre 14.30 or pa 17.30 or, e unidatnan a tene un entrada hudisial na
un kas pariba di brug.
Durante di e investigashon den e bibienda e agentenan a haña i konfiská:
Un kantidat grandi di bala skèrpi di arma potente; Un kashi di bala; Un kantidat grandi di sapatu i
unifòrm di Marina Hulandes; Un kantidat grandi di flèshlait di Marina Hulandes; Kuater vehíkulo y
Tres oloshi di balor. Investigashon den e kaso aki ta kontinuá.
Entrada hudisial ku konfiskashon
WILLEMSTAD - Djárason 13 di òktober 2021, alrededor di 06.00or di mainta, Reshèrshinan di VVC,
huntu ku Unit Speciale Taken (U.S.T.) a tene un entrada hudisial na un adrès den Saonaweg.
E entrada hudisial aki ta enkonekshon ku violashon di lei di opio.
Durante di e investigashon a haña i konfiská un kantidat di paki di sigaria i keds ku ta prosedente di
dos kaso di ladronisa ku a tuma lugá na dos establesimentu den área di Parera i Saliña. No tabatin
ningun detenshon na e adrès aki. Investigashon ta kontinuá.
